克勤收一日人工做足七日

（星岛日报报道）无线真人骚节目《声梦传奇》举行排练探班，主理人李克勤提到过程好玩，自己愿教学员又愿学。他特别提到很久没见过台前幕后齐心做好一件事，他笑说：「我收嘅人工系每个礼拜做一日嘢，依家几乎日日都会开会，所有人都系全天候。」他坦言大家都未知道收视跟口碑会否似预期，但士气非常好。

克勤提到某几个学员的确稍为逊色，但有趣的是，到了正式踏台时有好表现。他更以足球员来作比喻，笑说：「有啲系大赛球员，大赛先有好表现。有啲平时也文也武，但一到大赛就隐形。」他又大赞学员抗压能力非常高，还忆起以前新人站台是真的会惊到脚震。

此外，周柏豪在节目中担任导师，他坦言自己都是边教边学，视为自己的补习班：「有啲嘢以前学唱歌时学过，但有时做做吓忘记咗。」问到他有甚么心得可传授？他说：「例如点企会好睇啲、心理质素、咬字等等。（心理质素系强项？）都唔系，唔可以话自己最强项。但可以分享一下，喺呢行可以清楚自己多啲。」

问到最欣赏哪位学员，周柏豪表示是最年轻的姚焯菲，他说：「我屋企啲小朋友都系10几岁，但仲系BB咁，但佢好犀利。如果佢10年后仲喺度，我觉得佢有潜质有更大嘅进步。」谈到男学员，他笑说：「有啲仲有信心过我，唱歌运用技巧方面仲纯熟过我。」

另外，姚焯菲感激周柏豪的欣赏，更指对方是一个很好的导师。提到上一集表现失准分数最低而爆喊，她自认眼浅，儿时会因遗失工作纸而爆喊，而现在已经有改善。她笑笑说：「返到屋企睇番，都觉得真系唱得好差。（9分畀多咗？）我觉得系。」而詹天文就获得最高分24分，她坦言感到压力，因往后低过24分就是退步。