李辰安 - 贵州出晒位｜辰来之笔

公司最近生意好好，不过形势就唔系太好，事关请人请唔到，老板问我点搞？我都想知点搞，问下大家啦。「安仔，你有无搞错，全世界都人手短缺啦，你家公司出几多钱请人先？」大师兄今日请饮茶，庆祝美斯来华献技，全程好成功咁话。「世侄，中国足球都几曲折，原本上世纪70年代，中国都算亚洲强队，同韩国、日本平起平坐。」系，我都有印象，当年亚洲最劲你估系边队？「辰哥，你唔系话香港？」
 

乡村足球超级联赛因球员以当地村民为主，也被网友称为「村超」。

乡村足球超级联赛球员进场比赛。

乡村足球超级联赛球员尽全力比赛。

啦啦队落力打气。

贵州乡村足球超级联赛甚受当地居民欢迎。

啦啦队穿传统服饰落力打气。

贵州乡村足球渐成风气。

当地小朋友也爱上足球。

贵州乡村足球有好多出色球员涌现。

贵州乡村足球渐成风气。

上世纪70年代 港队叱咤亚洲球坛

乜你咁嘅眼神望住我，你想讲乜呢？

「食嘢先啦，天气热都要食，唔好搞到饮食唔均衡。」好，茶楼老板今次无介绍蒸条鱼，反而要大家食冬瓜盅。「依家食鱼唔系好抵，迟啲啦，陈皮蒸牛肉OK噃，仲有乳猪都唔错。」一于你帮大家Order，我饮杯老板喺大湾区带返来之野生红茶，无得项。

张翁叹完杯野生红茶，好有感慨咁话︰「当年最劲系北韩，不过，你话香港好劲亦得，因为上世纪70年代初，香港对朝鲜打出一场史诗级比实，最后加时打和，港队输十二码，差少少可以砌低呢队神秘球队。」所以话，银行伟你唔好大惊少怪，香港曾经叱咤亚洲球坛，之不过，唔知点解，去到上世纪90年代就畀韩国、日本全面赶上，大师兄，你咁有知识，知唔知点解？系咪特区政府无资助？

不如食老板推荐之灌汤饺，湿湿地几好。「李生就识食，本店灌汤饺系正宗做法，唔会无厘头加人造蟹柳，亦无土豪到加块花胶，纯粹清新口味，建议加少少浙江红醋。」
 

乡足渐成风气 出色球员涌现
 

讲起香港足球，张翁话︰「几十年前，香港足球风气好盛，港英政府几时有资助？大家锺意踢波，咁就成事，成日郁下就要政府畀钱。」系罗，我知道当年香港最好卖系「白饭鱼」胶底波鞋，踢波使得几多钱？「辰哥，我想更正一下资料，当年之白饭鱼写明系网球鞋，无预你穿嚟踢波。」我都费事回应，冬瓜盅来了。

大师兄话，中国足球开始有好苗头，贵州乡村足球渐成风气，好多出色球员涌现，依家上网都可以睇到。「中国足球点解唔见突出，相信唔系无钱培训年轻人，而系足球有太多钱银往来，成为财技商品，大孖沙买球会，出手炒高个班底，高薪聘请外援，金钱过多等如白血球过多，就会变成好唔健康。」

我好欣赏老板呢碟陈皮蒸牛肉，真正鲜牛肉。你知啦，好多茶楼无呢一味。「当年，香港人着白饭鱼踢波，依家好多家长好舍得花费畀细佬学足球，你估香港足球几时再出多几个胡国雄？」

大家挂住食冬瓜盅，无人应我，老板忽然一句︰「唔好意思，乳猪原来卖晒。」你依家先讲，有无搞错。「李先，我哋人手唔够，所以不时甩辘，见谅见谅。」无问题，我公司都请唔到人，打写字楼冷气工都无人吼，何况茶楼工时间又长又辛苦，明白。

「大师兄对中国足球好有期望，几时搞个贵州足球旅行团，去玩几日呢？」哗，成千公里远，你讲笑咩，搭高铁都成半日，不如去广州闲逛，大家可以去叹下好茶，食下古法粤式点心，咁就Very Good啦。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ