李辰安 - 烧烤倾城｜辰来之笔

外国人争相报道这中国奇景
 

「你去淄博吃烧烤了吗？」等相关话题冲上了热搜榜。

烧烤店坐满了人。

官方抓住机遇大搞城市营销。

小饼加蘸料网上大红。

淄博烧烤令淄博市成为网红城市。

不少人专程来淄博品尝烧烤。

各地游客不断涌入淄博市，只为一尝当地烤肉。

各地游客不断涌入淄博市，只为一尝当地烤肉。

淄博烧烤是内地火红美食。

小饼加蘸料网上大红。

「淄博烧烤」会否成为MBA经典教案？外国人争相报道这个网上热爆之中国奇景，你有无听过？

大师兄率先开口：「安仔，我首先唔讲淄博烧烤，不如讲下MBA，乜你几十岁仲想终身学习？」不如大家饮杯茶食个包啦，学海无涯，如果我有时间，咁啱学费唔贵，我都想学下商业管理。「世侄，你就讲得无错，你有无睇晶哥套剧，做妈妈生都要有Marketing Sence，如果依家夜总会仲系好似上世纪八、九十年咁当旺，做女女都要进修商业管理呢一科。」

「前辈，乜做女女唔系要进修演艺课程咩？扮中学生、扮女杀手系需要演技，而不必学市场理论？」银行伟一边食包、一边偷笑，唔知谂乜。「辰哥，我系笑你思想追唔到时代。」大师兄抢住答︰「道理好简单，做女女都想升级，有十年八年基层经验之后，就系管理层人才，到时就需要有商管智慧同知识，所以一边做一边学一边读，将来又系另一位女强人。」
小厨老板又去完大湾区返嚟，佢问张翁有无兴趣蒸条鱼，顺便同大家报告下内地行情︰「内地消费模式改变咗好多，因为疫情三年之后，大家习惯唔走出街，更加无乜意欲行商场，除非系好有特色又非常有价值之名牌店，连食嘢都由外卖骑手代劳。」张翁问︰「食海鲜都可以外卖骑手代劳？我真系唔多理解。」
 

当地政府全力催谷 食正Marketing效应
 

大家无你咁好气，叫老板安排蒸海上鲜外，仲要一个蒸水蛋。「内地食鱼好多食红烧炸鱼，或者小龙虾，外卖无问题。」明白，粤式蒸鱼外卖就唔合理，其他OK啦，不过，乜小龙虾系海鲜？「大家都听过淄博烧烤？搞到全世界关注，烧烤啫，千里之外省份嘅朋友都要逼车去食，去打卡，真系烧烤烧到倾城。」银行伟话︰「呢啲咪叫做Marketing，烧烤会有几好味？就算降霜和牛都咁话啦。」呢种Marketing系网红效应，最紧要都系当地政府识得食住上，全力催谷，又Sell人情味又Sell热情同效率，如此这般，咪叫做烧烤倾城罗。MBA要好好分析，此乃经典，可供参考之处太多了。

大家好关注瑶柱蒸水蛋多过条海上鲜。「系嘞，睇电视长知识，知道金鱼同木鱼分别，咁，前辈当年有无去尖东交朋结友？」无人理我，算啦，我食块鱼面珠先，你哋食蛋，但系小心啃到呀老友。「讲时讲，舞国企业全盛之年，我同大师兄有位前衞女同学，想……」张翁当堂眼珠一转，好有兴趣问︰「你哋位女同学唔系入咗去美国城或者英国城？」

大师兄食完啖饭，佢话︰「嗰位女同学见到报纸报道，最旺场夜总会之妈妈生系揸『Ben跑』开工，又话有女生工作一年就有首期买楼，咁，读大学有何优越感？」银行伟话︰「美国、英国之最名牌嗰一两家大学都有女生出嚟捞啦，新闻见唔少，大家唔好大惊小怪。」

老板介绍大家饮云南红茶，佢喺大湾区买咗几斤试饮，好茶嚟㗎。「都几顺喉，下次买多几斤，我要少少返Office饮。」张翁真系识叹，我就好相信如果尖东仲系舞国时代，佢一定会上去饮杯，但佢个口咁密，无人知佢以前有无去过。「依家香港再无如此娱乐事业，大家可以清静一下，夜晚慢步跑，甚至可以打羽毛球，咁就健康好多。」张翁话︰「香港舞国风云几十年，有好多故事未同大家讲，晶哥一定拍续集，我同你打赌餐茶，好唔好？」无问题，最紧要开心，等我食埋个鱼头先啦。

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ