李辰安 - 我爱童话｜辰来之笔

人生有几可见证童话成真？我都算幸运，终于等到与我阿叔同年之查理斯加冕，几乎想喊出嚟。
 

查理斯发表讲话。

查理斯和群众握手。

人生有几可见证童话成真？终于等到查理斯加冕。

人生有几可见证童话成真？终于等到查理斯加冕。

搞个英式宫廷宴 食餐劲？

大家又在中环小酒馆享受人生，讲起王子，特别有兴致。张翁话，香港真系好退步，点解咁讲？「世侄，香港系美食天堂，又系中西厨艺荟萃之地，应该度个英式宫廷宴席，早几个月就接受全球预订，包一个私人宴会厅，搵班身穿童话服装男女侍应招呼，食餐劲嘅！」咦，好似几好桥，以前香港都有Sell过清朝满汉全席，日本电视台派出记者团采访，威水呀。

大师兄讲开又讲，时装界都要推出皇室系列，尤其是查理斯嘅孙仔、孙女咁得意可爱，一身打扮全球关注，应该推广一下。「我谂起，香港亦有好多对英国文化有兴趣人士，好有雅兴扮莎士比亚，复古回到几百年前，我谂趁势推出不同款之古典贵族礼服，行出去中环，你都咪话唔哄动。」

「安仔，你咁有桥，不如你着埋套宫廷清装高兴下。」大师兄，你真系九唔搭八，暑假嚟啦，你想我扮黄百鸣？唔好玩啦，靓仔侍应碧咸行过嚟问︰「唔知碧咸有无份去观礼？」好似唔多觉，我亦唔知披头四二佬保罗麦卡尼爵士有无到场，因为依家无睇电视直播，而系上网睇精华片段。

大家咁开心，又来一大杯冰冻生啤，欢迎夏天来临，大家可以去泳池畅泳，出入唔使戴口罩。银行伟有时会去游船河应酬，今天应该好旺场。「其实香港最好玩就系游船河，香港有好多靓海湾，平时大家屈喺石屎森林，出到去海阔天空，你会觉得人生境界完全唔同，香港真系乜到有，大家都唔想走。」

香港近日多咗游客，但系由于东方之珠乃弹丸之地，郁下都要排队，小小名气之店分分钟排半个钟都无得食，所以不时有躁底事件发生，放假原本系开心事，千祈唔好焚琴煮鹤。「山东个地方搞烧烤，结果全国知名，连欧美媒体都有报道。」哦，淄博烧烤吖嘛，后生仔去朝圣，因为当地有故事，又充满人情味，如此这般，烧烤有几好味不是重点，而系网络威力可以将呢个城市炒到热爆。

大师兄都话香港亦有故事︰「我有个内地朋友话，听人讲，去香港寻觅美食，有一个比米芝莲评分更准确之标准，就系愈名店之招呼愈有性格，愈有态度，做饮食做到反客为主，当门口出面排队之食客系嚟朝圣，能够达到如此境界，必然系好食又有风味。」系罗，你去朝圣梗系预咗要守规矩，你去到有成班人殷勤招呼你嘅话，里面嘅嘢好食极都有限。

 

好彩Keep得好 唔你就心噏

 

对，香港名店有性格有态度，成个大湾区都知，不过，我就无乜耐性排队，我见到有人排队就会运路行，无谓啦，有几好食呢？「世侄，当年香港唔兴排队店，我当年最想就系帮衬大排档，最想坐系前排凳仔，几有风味。」不过，张翁话佢伯爷唔多愿坐大排档，更加唔好讲踎凳仔。「事关佢成日都着西装，点坐大排档呢？」系噃，张翁系富二代，张翁伯爷系有钱人，去上环食鱼翅消夜就差唔多。「系呀，我伯爷有带过我去食翅。」

又想起查理斯，人生都算传奇，做咗咁耐王子，不知是开心还是心噏，好彩佢仲Keep得好Fit，七十几岁人依然精神奕奕，讲下讲下，佢同戴妃大婚好似唔系相隔好耐咁，你话人生过得几快。好嘞，大家再饮多一杯啤酒，谂下去边处食晚饭。
 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ