李辰安 - 同超哥饮广州茶｜辰来之笔

香港富豪人数原本跌出世界十大龙虎榜，不过，去年数字已经反弹，值得饮杯。

 

特首李家超和广州市市长相约到一家具岭南园林特色的酒家饮早茶。

特首李家超和广州市市长相约到一家具岭南园林特色的酒家饮早茶。

广州美食何其多。

广州的水上茶居。

坐高铁可到大湾区各地游览。

广州一家具岭南园林特色的粤菜酒家。

到广州可品尝地道点心。

广州的露天酒家极具特色。

广州食肆各有驰名美食。

顾客在广州美食园排队购买广州老字号产品。

移民最怕闷 北上凑热闹

大师兄话︰「安仔，香港系来去自由，有钱人无国界，边度好着数去边度，做乜大惊小怪啫！」大家去到中环小酒馆，好开心讲中年人唱歌有出头机会，问下几时夹Band。不过，我好想话大师兄九唔搭八，点解呢？事关香港有钱人移晒民，你估系好事咩，起码海景十万蚊一尺啲靓盘卖唔郁，香港点安定繁荣？不过，我无出声，只系话︰「系罗，香港有咁多机会，大家又点舍得走，几十岁攞冠军，唱到一百岁，呢个就系香港。」

张翁接口︰「我好多有钱朋友，得闲都会攞个外国国籍，移民呢家嘢，港英时代已经惯见寻常，又点算新闻？」移民，我谂起「哥哥」（张国荣）当年急流引退，响应当时世界时兴约30岁就退休过自由自在日子之潮流，「『哥哥』选择去加拿大居住，第一个星期见到青山绿水，又有飞鸟、小鹿行过，感觉异常兴奋，因为香港只会见到人同人，对面系楼同楼，如是者，一日过一日，一星期过一星期，过多几个月，『哥哥』顶唔顺，又系有鹿有鸟有山水，点解唔见人，点解有人都唔开Party。『哥哥』回港之后，重新投入工作，30岁后退休不是想像中美满。」大师兄讲，十八区歌神都想过去加拿大，后来都系打消呢个念头。银行伟问大家有无兴趣上广州。「搭高铁上广州好方便，不过票务繁忙，唔系咁易买到飞。」

「『校长』同『我至叻』，加埋B哥哥成班人都去广州蒲，拍片摆上社交平台，真系好热闹。」广州好旺好多人，香港都够多人啦，去广州有乜好玩？唔通学超哥咁，返上去同班乡里饮早茶？「安仔，你都九唔搭八，你去广州有阿水识你？」所以不如大家约埋上广州，一齐去法国总统走过之松园，听下高山流水。「世侄，广州欢迎你，国家提倡与民同乐，你有咁高雅兴，一定可以实现。」
 

坐高铁游览 大把好嘢食
 

系啦，十八区歌神点解唔考虑去广州住，天河区豪宅好啱你身分，更何况去嗰度开演唱会，劲过红馆啦。「我都系锺意小城风光，去中山、佛山好OK噃。我有朋友最近去过澳门，当地人山人海，不过，搵食始知非旧时味，似乎有少少失望。」无问题，行过去大湾区大把好嘢食。「安仔，我想温馨提示你，香港同澳门都系大湾区。」明白，所以大家都系大湾区人，几时返乡下？

听讲去潮州玩亦系好选择，因为潮州都系高铁旅行热点，去饮下潮州茶，行下美食街，咁又一日，几时一齐去？「疫情过后，去边都得啦，去远啲，不如Plan去上海、杭州。」正所谓吹水唔抹嘴，大家约咗咁耐，都未去过中山、珠海，依家又话去广州、潮州，真系无你咁好气，不如饮杯德国啤酒先。

新加坡依家富豪人数多过香港，香港系咪好失威？「世侄，新加坡好闷蛋，天气又热，有钱人过去做生意无问题，要有生活享受，都系去香港，我识得好多朋友，几十年都系咁讲，香港好过新加坡。不过，后生仔就话东京好，又有拉面食，香港无咁正宗。」

讲开移民，我想讲最好都系大湾区，楼又平，又可以讲广东话，不时亦有香港歌星上去开演唱会，你话几好。「安仔，去大湾区住唔系移民，乜你系外国人咩？」大师兄，你都好幽默，我敬你一杯，几时去大湾区睇楼盘，一齐去啦。

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ