李辰安 - 淮南菜乜有深水埗口味？｜辰来之笔

小马哥（马英九）又掀起旋风，去到南京，即时令国际美食家关注到淮南菜，连我也为之动容，几时搭高铁去食餐好？

南京名菜海参炖生敲

马英九到访南京。

马英九前往南京中山陵谒陵，并题字留念。

太湖三白。

海参炖生敲是南京名菜。

太湖三白是指白虾，白鱼和银鱼。

马英九曾参观南京中山陵 。

马英九访中山陵后，接受媒体联访。

马英九拜谒南京中山陵。

小马哥（马英九）去到南京， 即时令国际美食家关注到淮南菜。

马英九携家人在湖南祭祖。

黄昏天气好好，唔暖唔寒，令人精神振奋，大家把杯言欢，讲开年过七十之小马哥，不免谈论一番。「小马哥都算有型，去大台做性格演员，扮集团揸Fit人都可以。」我开心Order一支有气葡萄酒，可以开胃消滞。「安仔，你都九唔搭八，乜嘢揸Fit人，唔识唔好发谬论。」大师兄，赞佢有型都唔得？算啦，都系讲小马哥在当地品尝淮南菜，「嗱嗱嗱，金陵花胶翡翠包、芦香菌菇火鸭虾、明月海参炖生敲、碧绿凤梨秘制骨、带子京葱焗豆腐……全部未试过，听到未听过，大家想唔想试下。」

张翁马上上网，佢话可以去深圳或者广州转乘高铁去南京，八个钟头多啲。银行伟话，唔怕啦，有好嘢食，几远都去。「你知啦，三年疫情，香港名菜做得起系两餸饭、三餸饭，真系想出去行一行。」我就话近年最大发现系深水埗，原来变成年轻人美食天堂。吾生也晚，今时今日先至知道深水埗连块猪膶都好食过人，大把人排队，就系为咗一碗有灵魂之猪膶即食面。「哗，你啲对白咁有王大导Feel嘅，你都算有文化，又有鬼才，不如搞深宵美食啦，好过写网络小说，反正你都无动笔，搞美食定系拍视频，一坐低就可以讲餐饱，如果你受欢迎，有一、二百万『粉丝』Follow，你唔使返工，去深水埗打趸都得啦。」

张翁，我系唔好意思话你九唔搭八，之不过要我去深水埗发展，似乎系张冠李戴，我点可以吸引百万「粉丝」？不过你去开Live，讲下投资之道，又或者如何养生同享受人生好过啦，好少有你呢种有钱人出嚟现身说法。大师兄话葡萄气酒几好味，饮下饮下好想食嘢。

上网一查，「海参炖生敲是南京名菜，炖生敲具有三百年的历史。传统制法是将鳝鱼活杀去骨，用木棒敲击鳝肉，使肉质松散，故名生敲。」明白，呢种手艺先至系值得推介，至于带子京葱焗豆腐，凭我想像，香港师傅都识做啦，不过，京葱可以改姜葱，咁就Very Good。「世侄，淮南菜一般都偏甜，广东人未必Like，所以下次搵酒楼老板度下，改一改小马哥之淮南菜，变成地道粤式，咁就有得谂。」

深水埗口味即系人情味
 

我想问，可不可以改成「深水埗口味」呢，潮流兴噃。「安仔，你真系想去深水埗搵食呀，九咁搭八，深水埗有乜口味？你讲畀大家知。」好易啫，大师兄你梗系好少上网睇片，深水埗口味即系人情味，又代表一种坚持，几十年风雨不改做好一味，材料日日新鲜，手艺不求精益求精咁浮夸，但求十年如一日保持同样水准……下删三千字。当然，我无继续讲落去，费事话我唔尊敬兄长辈啦，之不过，你真系好似同个年轻人世界脱节咁噃。

仲有一味淮南菜太湖白，取材自「太湖三白」，即是太湖三种白色河鲜，分别是白鱼、银鱼和白虾。咦，有得谂，粤菜有白饭鱼、九肚鱼，加埋基围虾，都可以叫做粤式三白。「安仔，边度系三白呢，你可以叫三鲜。」大师兄，你确系九唔搭八，三白变三鲜，音韵全失，失去晒噱头，好啦，我都费事同你讲咁多，饮一杯清甜白酒，谂下一阵可以去边度食饭。
「世侄，你度美食都有桥，不如搵日同酒楼老板交流下，搞几个新派港菜。」都好噃，大家动下脑筋，饮杯！
 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ