烧烤场重开｜严选20个最靓景最方便最隐蔽BBQ场 呢几个伏味浓唔好去

等了又等，终于等到啦：政府刚刚宣布咗BBQ场由下周起 (11月3日) 重开，我哋可以明正言顺出去郊外舒展，同朋友围炉烧鸡翼，心情真的很兴奋。小编立即搜寻全港各大由政府管理嘅烧烤场，原来都有分两种，一种就系渔护署嘅场地，另一种系康文署嘅场地，分别只系在于佢嘅位置究竟在郊野公园定系沙滩边，而无论系边种都好，都系一齐开放，数目多达二百个。唔好理啦一于睇清楚边个值得去，边个最好唔好谂。
(五星最高分，一星最低分)

靓景推介︰
大美督烧烤区
呢个算唔算烧烤场始祖？就算唔系最耐都一定系最多人联想得到嘅好地，有海景有得泊车又有得租单车，冇得输。
风景︰*****
烧烤炉数目︰大量
方便程度︰*****
总分︰*****

大网仔烧烤区
坐西贡巴士经过大网仔一带，成日都见到好多靓景烧烤炉，大部分都系望海，连只鸡翼都会特别好食，点可以唔打卡。
风景︰*****
烧烤炉数目︰沿途有多号场地，中量
方便程度︰*****
总分︰*****

石澳泳滩烧烤区
夏天好多人去游水嘅石澳滩，有小巴、巴士仲有得泊车，而且又系海景，洗手间设置齐，最紧要系冬天相对少咗人，最啱烧烤。
风景︰*****
烧烤炉数目︰中至少量
方便程度︰*****
总分︰*****

清水湾第一湾泳滩烧烤场
清水湾第二滩有车位，或者坐巴士去又得，不过烧烤就要行返去一号滩，但相对而言人潮就冇咁多，几舒服。沙滩烧嘢食听住海浪声，心情特别好。
风景︰*****
烧烤炉数目︰中至少量
方便程度︰****
总分︰****

南湾泳滩烧烤场
南湾系一个风景优美嘅泳滩，最紧要系冇浅水湾同赤柱咁多人，识游一定系拣南湾。所以烧烤场一样系比较少人用，烧烤炉19个，应该唔会太多人争。
风景︰*****
烧烤炉数目︰中至少量
方便程度︰***
总分︰****

大棠烧烤区
红叶季节就快到，有咩好得过系去完BBQ又可以行埋山睇红叶先，不过要留意一件事，红叶季节期间，大棠山道有半条都会封路，事情就唔会两全其美，至于非红叶季节嘅话，部车就可以泊上烧烤区附近，行去BBQ场一分钟都唔使。
风景︰*****
烧烤炉数目︰中量
方便程度︰****
总分︰*****

交通方便推介︰
黄石烧烤区
一程巴士94或者96R坐到尾站，虽然大家会觉得好似有啲远，但系.....真系好靓，又真系算方便，其实预咗BBQ都去玩一日，点解唔拣呢个场呢？
风景︰*****
烧烤炉数目︰大量
方便程度︰*****
总分︰*****

北潭涌烧烤区
北潭涌亦是另一个有巴士、小巴、泊位嘅场地，而且真系有大量烧烤炉，入闸之后的伤建乐园烧烤场也是可选择的场地，而呢一带总数系有六个有编号的场，所以只要肯入去，基本上都唔难搵炉。
风景︰***
烧烤炉数目︰大量
方便程度︰*****
总分︰****

鹤薮烧烤区
由粉岭坐小巴直入就会到达鹤薮水塘附近，烧烤场全部在马路旁边，唔用「直达」呢两个字真系讲唔通。
风景︰***
烧烤炉数目︰中至大量
方便程度︰****
总分︰****

驾车人士推介︰
涌背烧烤区
系，有车真系大晒㗎，因为你去到一啲其他人要好转拆先到达嘅烧烤场，当中在新娘潭路边嘅涌背烧烤场及营地，好多发烧友锺意开车去，由于其他的交通工具比较难到达，班次又唔多，所以就转咗系自驾人士的烧烤乐园。
风景︰***
烧烤炉数目︰中量
方便程度︰***** (开车计)
总分︰****

大坑墩烧烤区
大坑墩烧烤区系香港最热门的放风筝地点，即系大坳门所在地，个草坡靓到爆，而一般人要去系好麻烦，落巴士或小巴后要沿清水湾道行入去，但开车的话就可以直接泊入去，不过要留意，车位好少，要争嘅!!!
风景︰*****
烧烤炉数目︰中量
方便程度︰***** (开车计)
总分︰*****

城门烧烤区
城门水塘烧烤区亦好似系专程方便自驾人士而设咁，因为唔开车去的话，从小巴站真系要行上斜路再入去，当然，有好多行山人士唔介意，但BBQ要攞住咁重嘅美食就最好开车吧。
风景︰****
烧烤炉数目︰中至大量
方便程度︰**** (开车计)
总分︰****

超人气推介︰
狮子山烧烤区
狮子山郊野公园入口 (天马苑后) 嘅BBQ场，长期都好多人......非常之受外佣们欢迎，落车只系行少许路就入到去，而且仲要系有靓山景，难怪长期要等。
风景︰*****
烧烤炉数目︰中量
方便程度︰**** 
总分︰****

北潭涌烧烤场

北潭涌烧烤场

大浪湾泳滩烧烤区
大浪湾泳滩的烧烤区好似365日都人气爆灯，究竟点计呢？小编都好想知.....尤其系圣诞、新年呢啲公众假期。
风景︰*****
烧烤炉数目︰少至中量
方便程度︰**** 
总分︰****

荃锦烧烤区及扶轮烧烤场
位于大帽山脚呢个场，真系名副其实旺场，可能因为有巴士又有车位，又有小食亭，跑山、踩单车、露营等人士全部都好锺意呢度，BBQ场亦都系人气鼎盛。
风景︰***
烧烤炉数目︰中量
方便程度︰**** 
总分︰****

最隐蔽推介︰
塘福引水道烧烤区
位于大屿山的塘福呢个地方本身已经偏远，仲要系引水道烧烤区就更加......，大家明白啦。
风景︰***
烧烤炉数目︰少量
方便程度︰** 
总分︰***

乐信径烧烤场
乐信径在哪儿？真系唔知道......好正常，原来系位于火炭嘅后山，有YouTuber话呢个简直就系被毫宅包围的居民烧烤场，小编真系未去过，嚟呢度只有一个好处，唔使争。
风景︰***
烧烤炉数目︰少量
方便程度︰** 
总分︰**

孖指径烧烤区
呢个烧烤区正确位置系.....九龙水塘同金山郊野公园附近，总之就要行山行入去，烧烤炉数目有8个咁多，点呀.....点解我要去呢。
风景︰**
烧烤炉数目︰少量
方便程度︰** 
总分︰*

伏味最浓推介︰
海下烧烤区
其实海下呢个地方本身就交通不便又唔系容易去，而最伏系.....海下最大嘅一号烧烤区已经冇咗啦，变身成为今日嘅海下游客中心，......如今只剩低一个杂草嘅二号场，好彩附近最近嘅仲有猴塘溪营地烧烤区，坐同一架小巴都去到。
风景︰**
烧烤炉数目︰少量
方便程度︰** 
总分︰*

张保仔洞郊游区烧烤区
点解我要山长水远入长洲再行过去张保仔洞郊游区烧烤呢？小编睇唔透。
风景︰****
烧烤炉数目︰少量
方便程度︰* 
总分︰**

更多烧烤场重开食肆放宽资料：https://bit.ly/3DFUywi
一网睇晒157个烧烤场重开：https://bit.ly/3sE4DU6
重开设施睇多啲：https://bit.ly/3DjkCfg
-------------
大棠烧烤场周边好去处 5 万尺果园免费入场：https://bit.ly/3W7C8fd
大棠烧烤场周边好去处 12月去睇红叶：https://bit.ly/3Fo3gR7
-------------

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ