泰国｜$10以下便利店必扫零食 $1蚊牛奶片 即整飞碟多士+燕窝饮料
2022-10-24 00:00 
香港人眼中，泰国物价相对地低。有人出游泰国选择豪住豪洗，亦有人继续以平为出发点。食方面，识去一定去便利店搵食。以下几款CP值高的便利店必食，有啲香港有得买，但当然较贵。食过？可以返寻味；未食过？下次去泰国要试喇！
必食1：热压飞碟 THB25（约$5港元）
便利店的热压飞碟，口味众多，制作亦够快，系唔少旅人的早餐、宵夜之选。最有heart是唔系微波炉返叮，而系用多士炉即买即整。香喷喷热辣辣，10多种口味冇1款系「伏味」，旅人大推！
必食2：即食粥 THB30起（约$6港元）
康宝即食粥香港都有得买，但包装、份量唔同，价钱当然较贵。买返酒店用热水一整热就食得。虽然是即食粥品，但粥底出奇地绵滑，亦有唔少口味选择。
必食3：牛奶片 THB8（约1港元）
Roscela品牌的牛奶片，极之抵买，包装讨好小朋友大爱，又有足够营养。另外的皇家牛奶片亦极之受欢迎，当年被台湾、内地旅人抢到冇晒货，唔知而家去仲会唔会缺货呢？
必食4：燕窝饮料 THB45（约$9港元）
泰国连燕窝饮料都平过人，NPB燕窝饮料泰国知名大牌之一，味道微甜而不腻口。蓝色包装为原味，粉色包装是有添加胶原蛋白的口味。
必食5：辣肉香肠 / 鱼蛋 THB30起（约$6港元）
泰国便利店的鱼蛋、香肠某部分可以冻食，连叮都唔使，最啱买返酒店一边叹泰啤一边佐食。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应