潜水|香港潜水清过澳洲 菲律宾 咩系大蓝水?黄金档期系几时?

2022-09-22 00:00

好癫呀!点解小编身边个个潜水发烧友,最近都系咁POST啲清过鱼缸嘅靓相去Facebook同IG㗎!真系令人羡慕又妒忌!点解我要坐响公司对住个电脑,你话,公平咩?

小编深信好多朋友都同样有呢个感觉,而为了令大家睇相又睇得好过啲,小编今次攞咗天堂潜水员Jason最近拍摄嘅海底靓景俾大家睇,事实上,每年,系每年。。。啲潜水界别嘅老师傅都同小编讲,冇呃你,全年最清嗰几日就系农历八月十五中秋节,结果上年、前年,都唔系正日最清,不过的确系前后大约一、两星期,海水突然清澈了。至于今年更加系令人喜出望外,唔简单中秋前几日开始清,一直到呢个星期都仲系高清,媲美外国潜水,能见度足足十几米,亦系大家锺意讲嘅用语:「大蓝水」。

用一个比较逻辑性嘅推理去理解,点解中秋时节水特别清呢?应该就同水流改变及月球引力有关系。夏季我哋主要嘅水流系被珠三角区域影响,而冬季就会转为海洋洋流,农历八月中秋开始就已有转变。另外,月球引力引起大潮,水涨涌入港口,清水都系外来嘅,咁就解释到点解会咁清澈。加上呢两年香港水质的确系因为新冠疫情而减少咗工厂污染物,正面带嚟可见的影响力。

至于Jason亦有问过船家们,综合嘅结论都系同水流改变有关,佢哋一般认为农历七、八月会带嚟一啲由菲律宾过境嘅清水,但又并唔系每年都同一时间,只系刚巧今年正值夹得刚刚好。就好似近日出船去七星排呢个潜点,平常都要等风平浪静先去得到,水流好急,未必次次成功出发,但遇上今年中秋清水兼浪静,就系百年难得一遇啦。

图片提供:天堂潜水员(https://www.instagram.com/paradisediverhk/

《星岛头条》APP经已推出最新版本,请立即更新,浏览更精彩内容:https://bit.ly/3yLrgYZ

關鍵字

最新回应

相關新聞

热门文章

You are currently at: std.stheadline.com
Skip This Ads
close ad
close ad