便利店掀预购热｜日本便利店点解咁多服务 香港点解冇

唔少人锺意储印花换礼品，除咗超市，都会留意便利店换购嘅产品，最近7-11嘅7仔预购系列就推出小熊维尼Keyboard同无线滑鼠，预购价都唔系太贵，分别系$399及$198。另外仲有Kakao Friends及松弛熊陶瓷砂锅等，预购办法好简单，网上download个Bar Code带去俾7-11店员帮你Scan咗佢，付款，然后在指定日期返去同一间门市取货就得。

要留意返今次Keyboard预购日期系2022年9月21日上午7时起至10月4日，取货日期则是2022年11月1日上午7时至2022年11月7日。

便利店换礼物咁方便，令人不禁想起，之前响日本嘅便利店都有好多服务，香港始终都系冇，例如「宅急便」（速递）嘅服务，事实上响香港速递服务冇人会响便利店搞，原因可能系日本地方大，有好多偏远村落根本就搵唔到邮局或者速递公司上门收件，居民开车去便利店相对就更加方便。

另一种香港便利店冇嘅服务就系洗手间啦......又系嘅，香港人点会走去便利店借厕所呢，香港铺租咁贵，要整一个厕所不如整一个小食部好过啦，借厕所不如入商场啦。

另外，ATM、影印服务、买门票呢啲......香港嘅便利店都系碍于地方太细好难容纳呢种机器，而又ATM本身都咁多......完全冇必要增设在便利店入面。所以因为地域及文化差异，香港便利店能够做嘅已经都唔少，所以唔好再比较太多啦。

不过，小编都系觉得，如果香港嘅便利店，冬天出售关冬煮......咁系会好吸引嘅！

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ