疫情减压｜秋季3大户外活动推介 行路都可以救野生动物 农田玩泥浆摔角？

香港人生活压力好大，供楼供车又要照顾家庭，加上近年要对抗新冠疫情，身心都感到有啲疲累。所以小编建议大家要适时放松，以下几项正接受报名的活动，就可让大家放松心情，减碳做下运动，甚至同小朋友疯狂落田玩一天嘅竞技。其实身心健康，先至系抗疫嘅良方呢！

香草工作坊教自制香草盐

体验坊以香草作为主题

由嘉道理农场管理嘅绿汇学院，最近推出一个几得意嘅工作坊，叫做「香草。慢活 」。呢个体验坊以香草作为主题，两小时嘅活动能让参加者响旧大埔警署呢个咁幽美嘅古迹环境下，放慢步伐，感受一下自然环境之中的香草气味，探索香草嘅特性、培植、配搭与应用。最后会用香草嚟制作制作出香草盐与香草小盆栽。

「香草。慢活 」体验坊
日期：星期一至六 (逢星期二休馆)
时间︰ 10:00 - 12:00 或 14:00-16:00
地点：绿汇学苑 (新界大埔运头角里11 号)
人数：15-23人
费用：每位$200 (大小同价)、每位$150 (政府注册全日制学校及已注册慈善团体优惠价)
详情：www.greenhub.hk/tc/group-event/Group-ExperienceHerbRetreat

「万」步筹款换玻璃底船飞

万步9月

如果想切实地郁动下，但又怕太辛苦，以下介绍嘅「万」步筹款可能好啱你。由香港世界自然基金会香港分会所举办嘅最新一项筹款活动「万步9月」已展开，参加者只要响9月内储够一万步的行路「里数」，就叫达成目标了，然后将步行纪录截图及上载到活动网站就可以。成功完成挑战者将于10月12日前，透过电邮通知获取完成礼品，礼品方面分两种，如参加个人挑战($100捐款组)，将可获纪念证书及WWF纪念襟针，个人挑战($250捐款组)除证书及襟针可额外获海下湾玻璃底船之旅门票一张，如参加团体/家庭组(最多6 位参赛者)，只要付出$450捐款报名，完成挑战后便可获证书、襟针及海下湾玻璃底船之旅门票两张。
今次嘅筹款活动主要是支持WWF在香港进行野生动物之研究及保育工作，主力研究嘅本地物种包括马蹄蟹、欧亚水獭、黑脸琵鹭、中华白海豚、穿山甲等。事不宜迟啦，今日开始就去散步，「万」步后花园吧。

「万步9月」筹款活动
日期︰9月1日至9月30日
时间︰任何时间
地点︰任何地方
组别︰分个人组及团体/家庭组
费用︰$100、$250、$450
查询：www.wwf.org.hk/events

水田运动会泥泞中弹跳飞奔

水田运动会

如果喜欢竞技项目，除咗参加跑步比赛之外，以下呢个别出心裁嘅活动应该好适合你，由香港观鸟会及长春社一齐举办嘅「水田运动会」正式招募，召集大家去到河上乡落田，嗱.......就唔系叫你耕田，今次系玩泥浆啫，暂时所知项目都系围绕「耕田肌」的肌力、耐力同爆发力嚟设计，需要参加者唔怕污糟，响泥泞中行走、奔跑甚至系弹跳，与队友一齐合作，所以亦会考验你哋嘅策略性同埋默契。
大会只系透露咗咁多资讯，不妨自己亲自去试玩下，疯狂一下，唔好俾自己坐响屋企咁闷。

水田运动会
日期︰10月8日（六）
时间︰9:30-13:00
地点︰上水河上乡
组别︰成人组18-55岁、亲子组1位成人及6-12岁小童 (比赛形式为队制赛，须以两人一组报名参与)
费用︰会员$420/组、非会员 $500/组
查询：www.facebook.com/hkbws

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ