新奇设计｜珍宝珠收纳盒超呃like 挂在腰间随时食？得意零食收纳设计逐个睇
2022-09-05 00:00 
大家平时吃零食，有没有试过食唔晒的零食点算好？又或者某些易碎易烂的食物要放入袋时你又如何处置？日本有网站设计了一系到糖果零食收纳盒，设计相当高质，仲系全人手木制，你会唔会想买返个？
珍宝珠收纳盒最呃like
最呃like的要数珍宝珠收纳盒，圆碌碌木盒可以摆到一支珍宝珠，外型超得意，似装饰多过收纳盒，仲附有皮带，可以扣在裤头和背囊，随时食都得。 
珍宝珠收纳盒似装饰多过收纳，用途不大但够创新。
朱古力豆变莲藕片
眼镜彩色朱古力豆豆系80、90后的童年回忆糖果。原本设计加条橡筋就可以做到「戴眼镜」效果，盏鬼趣致。想收纳好呢排豆豆？将8字形的朱古力豆包装摺埋，再用这个收纳盒夹住就得。收纳盒外形似足莲藕片，睇落实际用途似乎不大呢。 
这个莲藕片造型，点睇都估唔到原来用来放朱古力豆。
百力滋盒最实用
以上两个设计，玩味性质似乎大于实用价值，但个人认为这个百力滋收纳盒就最有用。百力滋本身易折断，放在袋中一定被其他物品压碎。这个流线形设计的收纳盒，尺寸刚好放得下一小包百力滋，带出街、去行山放在袋中都唔怕压碎晒。 
百力滋盒最实用，外形像笔袋。
關鍵字
最新回应