Netfilx 7 月必睇之选｜Stranger Things 第四季明日上架 Mr.Bean 最新小品继续搞笑本色

因为受到热带气旋影响，天文台连续多日将会发出「雨天娃娃」公仔，九天嘅天气预报全部都系落雨，Weekend睇怕都要宅在家。不过呢个俾大家休息嘅好机会，不如用嚟煲剧都唔错。近排小编刚刚追完喜剧演员「Mr.Bean」路云·雅坚逊（Rowan Atkinson）主演嘅《人蜂不两立》，故事系讲述主角崔佛成功获得管家公司的任务，需要看守一间豪宅，无奈期间发生好多突然事，佢亦好大意整烂晒豪宅所有价值不菲嘅艺术品，而归根究底原来系同一只蜜蜂有关？！呢套剧一连九集，每集半小时，非常有追看性，搞笑位连场。

咁七月头又有咩新片出呢？大家最期待嘅系咪人气科幻影集《怪奇物语》第4季嘅第2辑呢？原来明天7月1日就会正式上架啦，新鲜滚热辣真系要立即追睇。据知今集连导演都话，系拍摄上最具挑战性嘅一季，而亦有传已经打算拍埋第5季就终结，所以有追剧情更加唔可以错过。

如果锺意睇动画，7月8日上架嘅《海兽猎人》将会系大家嘅选择，呢套剧系奥斯卡得奖导演Chris Williams继《海洋奇缘》、《大英雄天团》 和《雷霆战狗》后嘅最新力作，以海洋及冒险故事为题材，一定唔会闷。

另外，如果你同小编一样最锺意睇啲疑案，咁7月13日上架嘅《消失的劫机者》就千祈咪错过。故事背景系1971，有一名神秘男子挟持一班西北航空嘅客机，随后带著20万美元赎金成功逃逸，从此就下落不明。其实经过五十年来嘅时间都搵唔到呢个疑犯，究竟在调查中有啲咩綫索？大家就要追睇啦。

星岛新闻集团庆回归25周年专题网站，请即浏览
https://bit.ly/39AQC3m

想睇最新消息，立即 like 头条日报FB专页！>>