便利店寻宝｜限定手工啤日本啤芬兰鸡尾酒都有齐

香港嘅便利店虽然唔似台湾日本咁夸张，但都总算称得上「总有一间喺左近」，两间大型连锁便利店的货品齐全，有时亦会有限定商品推出，可以话在明争暗斗中，受惠嘅当然系市民大众啦。最近小编又发现，本土手工啤品牌「友」就在7-11上咗架，当中两款口味包括红色罐嘅「波友Lager」及蓝色罐嘅「发烧友Pale Ale」都有得卖，前者仲加咗新配方陈皮入去，令香味带有清爽的柑橘香，由 2022 年5月11日至24日期间，于 7-11 便利店做紧$16试饮价，锺意啤酒嘅朋友唔好错过呀。

提起柑橘香，7仔仲有几款酒精类饮品值得推介，包括来自比利时嘅HOEGAARDEN，新口味西柚白啤酒都几啱女孩子，又或者日本嘅代表︰麒麟本榨鲜橙果汁汽酒及麒麟本榨冬柑果汁汽酒，两种口味都几清新，后者更是用咗五种柑橘水果果汁调配，真正系限定精选。至于锺意威士忌风味，都可以拣Suntory厂的Highball，不过小编都系偶尔见到有得卖......似乎亦唔系间间7-11搵得到。

至于Circle K其实都有唔少珍品，之前小编就见过芬兰人推荐嘅long drink、罐装的饮品Hartwall Original Long Drink，里面有Gin酒成份加上果汁，是有汽饮品，夏天用嚟消暑都唔错，酒精度亦只有5.5%，大家不妨一试。

更多新冠疫情资讯，请到以下专页浏览
按此  https://bit.ly/3JqiBzz

想睇最新消息，立即 like 头条日报FB专页！>>