新奇口味｜冬荫功 山葵味雪糕试过未 葱花肉松雪糕你食唔食得落？

夏天为大地带来冰凉透心的雪糕。朱古力、云呢拿、士多啤梨味就食得多，雪糕已一早跳出「甜品框框」，介绍以下几款奇特口味的雪糕，你又敢唔敢试？

葱花肉松脆皮雪糕

内地早前爆红的雪糕葱花肉松脆皮味，鲜黄脆皮下包住肉松同葱花粒，外形睇落好正常又几讨好。网民食评觉得似是「葱油饼味的雪糕」，似乎食得过。

香葱乌冬雪糕

近期大热的雪糕拉面大家试咗未？雪糕同面食其实一早已成功配对，证明两种口味原来好夹。由日本香川县研发的香葱乌冬雪糕，雪糕口感幼滑又有淡淡乌冬味，topping 淋上日式酱酒同葱花，卖相呃 like 一流。味道更是意想不到的 match 喎！

劲辣雪糕

由台湾宜兰的叶家香辣椒文创馆独创，其辣味分了 7 个等级，据闻第 7 级用了卡罗莱纳死神辣椒炮制，堪称系世上最辣雪糕咁话。嗜辣人士有冇兴趣食下？

睇完以上 3 款，阁下对雪糕新口味有没有冲击？原来香港都食到口味独特的雪糕，平易近人。焦糖炖蛋雪糕，面层有焦糖脆面，完全是冻了的 Crème Brûlée，味道极神似。平时见到绿色雪糕，以为是抹茶味吧？估佢唔到竟然系蜜糖山葵日本饭口味！味道奇特又冻又呛鼻，食一啖即通鼻塞。最重口味的要数冬荫功，以传统泰式香料制作，少少辣多多趣，网民大堆，自问食雪糕食到成精的你，唔系唔试下呀嘛？

网址：https://bit.ly/3L21DHT

更多新冠疫情资讯，请到以下专页浏览
按此  https://bit.ly/3JqiBzz