杜汶泽向程美段道歉 发誓「金盆洗X以后唔X人」　

早前杜汶泽被指拖欠「美女学徒」程美段（Kiwi）人工，两人在Facebook展开隔空骂战。但事件峰回路转，昨日杜汶泽终肯跪低认衰，在社交网Facebook公开向程美段道歉，仲话自己X错人，人家金盆洗手，佢就要金盆洗X。

杜汶泽在Facebook的道歉，话到自己由细到大把口几叻，尤其是用粗口闹人嗰阵，并且闹人无数，不过亦有闹错人的时候。

之后佢就向程美段道歉话：「最近就X错咗人。所以郑重向程美段小姐道歉。关于我话程美段小姐同记者讲，话系『博见报』，我就呢一句说话系讲对唔住。而我公司应承咗你一个礼拜就有钱俾你，结果系三个月之后先俾到你，我喺度同你讲对唔住。我叫人哋小心你、尽量就唔好用你，系我唔啱，对唔住。我对你所有嘅指控，我都觉得我系错嘅，对唔住。」

仲郑重其事咁话：「举头三尺有神明，我今日喺关二哥面前发誓，我杜汶泽，以后唔再X人。人哋有金盆洗手，我今日金盆洗X，以后唔X人。」

不过话口未完，节目正式开始约3分钟，杜汶泽已经忘记誓言再次爆粗闹人。