【维港会】食饼拒清理一地碎屑 巴士大妈反闹︰你执嚟食

人无耻便无敌？叶德娴都有教搭公共交通工具要有公德心，但一名中年妇人在巴士上公然进食留低一地饼乾碎，更反以粗口责駡上前干涉男乘客多事，拒绝清理。

Facebook群组「巴士的事讨论区」网民上载影片所见，昨日乘搭九巴269D线时，一名大妈坐在下层车尾位食饼，男乘客批评大妈食到一地碎屑时，大妈即粗口辱骂对方︰「我唔小心得唔得，报警罗！多X馀，费X事睬你！」

男乘客一再要求大妈清理饼碎，大妈坚拒更声言男乘客要执就自己执来食，更换过个位上前继续食。左边座位上亦留下一块完整的饼乾。男乘客继续理论，大妈更反闹执著这些琐碎事不是男人所为。「无嘢理，你搵啲饼乾嚟理，系咪得闲得滞？你系咪男人嚟㗎？放上网啦，红晒啊你！大把钱收啊！关你咩事啊？呢架巴士你买咗啊？痴线㗎呢啲咁嘅人！」

大妈辩解自己的行为，「我唔信你唔跌垃圾落地下嘅，唔小心整落地下关你X事！」男乘客最后无计可施，唯有退让「我都系叫你执一执佢啫。」

网民大多批评大妈所作所为，指「车厢唔畀食野...关咩唔小心事」，「人无耻便无敌」，也有人认为其他乘客都不插手，事主「起码肯出声」。