男童霸位睇烟花随地小便溅湿情侣 母反驳：唔通我哋走开咩

出街人有三急乃正常事，但不应该随地便溺。有网民目击一对母子在主题公园霸位睇烟花期间，男童疑随地小便，溅湿附近坐在地上的情侣，更指「细路仔忍唔到就要疴㗎啦，又差唔多开始，唔通我哋走开咩」，引起讨论。

有网民在facebook专页「生仔要考牌系列」投稿，指早前到主题公园睇烟花，因睇烟花不设划位，位置先到先得，指当时有一对母子早已霸了个靓位，「个仔都生得算高大，估计超过10岁，然后其他已经冇位坐嘅人就会选择坐住地下等。」

距离放烟花还有约15分钟时，网民指有一对情侣突然站起来，并大声问：「点解湿嘅？」男童妈妈即表示：「细路仔忍唔到就要疴㗎啦，又差唔多开始，唔通我哋走开咩？」附近游客都指责该名母亲，但她留驳指「细路仔系咁。」并将水倒落地「宜家咪冲走晒罗。」

网民指有一名大叔看不过眼，指「细路仔本身唔系咁，系因为冇家教先系变成咁，宜家唔系冲唔冲走嘅问题，而系佢当街去厕所，仲有个觉得冇错嘅阿妈先系问题。」然后该名母亲一声不发，「全部人即刻系未开始放烟花已经拍烂手掌…….
真系唔识教就唔好生，一代影响一代！」

不少网民都认为该名母亲应该教导小朋友到厕所如厕，「系咪痴㗎，细路仔急就要同佢去厕所㗎啦，为咗个睇唔睇都得嘅烟花迫佢周围疴，仲要有人坐嘅位」、「以前俾人话冇家教系好大件事，但而家好多新一代父母唔觉自己细路俾人话冇家教系件事」。