主动出击同Bob对亲家 陈敏之承诺给机机做千亿新抱

林盛斌（Bob）育有3女1子，4岁细女林机儿 （机机）更被指与内地女星周迅撞样，陈敏之就爆其2岁囝囝雷子乐好喜欢姐姐，之前同吴若希争做Bob亲家，转头敏之已主动出击。
话说Bob今日在社交平台上载两人家人饭聚片段，主角是坐在一起的子乐和机机，Bob吹波助澜叫子乐望住机机，子乐果然冧爆望住姐姐仔，仲愈望愈埋，身边的大人都在起哄，子乐傻傻的不明所以，机机却来个嫣然一笑，就连胡定欣跟其他网民都话「最后的笑容系重要」、「小周迅个反应真系好正」。
Bob就留言：「嗱，敏之，大家咁熟，我收顺少少嘞，三千万礼金，两层贝沙湾唔少过千五尺嘅，唔一定要海景，求其高层园景我都ok，最后摆酒嗰晚d（啲）人情唔驶（使）分男家女家嘞，总之条大数我八你二，你ok就择定日子再联。」
敏之就转载条片，回应Bob说：「喂呀...我哋咁熟...我点会出手咁低呀！闲闲地我都要机机做千亿新抱啦！系....我承认...我个仔系锺意靓女...所以见到小周迅实在系好难忍！头亲事就咁话啦！」