【维港会】游蕙祯晒比坚尼照 网民笑指转搞「睇肉」

前立法会议员游蕙祯近期积极发展网红事业，不时为产品卖吓广告，今日更在IG贴出比坚尼照，令粉丝眼前一亮，短短两小时就吸逾3000个Like。
游蕙祯在IG嘅贴文表示「非常湿焗嘅天气。好想落泳池浸全日。数数下都成十几年冇去过公众泳池。自从第一单泳池发现粪便案开始，我就自此唔再去，因为觉得太污糟，同埋太多人，踢下脚分分钟都会踢亲隔离个婆婆咁。唔知而家大家仲有冇去泳池嘅习惯？」
虽然佢问大家有无去泳池游水，但网民似乎比较注意佢穿上白色比坚尼，横卧在巨型浮床嘅造型照。有网民对照片表示赞赏，仲话要约佢一齐游；亦有网民笑指游蕙祯不搞政治，转搞「睇肉」，游蕙祯则回应「我只不过系影Ｄ每个人都有嘅野然后放上网，你自己都有，可以睇自己。」