由朝到晚都I Love You 陈豪:唔会有七年之痒

陈豪、陈茵媺夫妻档为到一个日本美容品牌活动担任嘉宾，陈豪大赞太太有天使般的心跟美貌，还有智慧，甜蜜指数爆标。
当问到陈茵媺，丈夫陈豪是否经常都口甜舌滑？她笑说：「系啊！佢都系讲事实。（你都会咁样氹老公？）会啊，不过唔会系呢度讲罗！」陈豪说：「佢系我生命入面嘅天使，我同天使结婚，再生咗三个小天使，所以我一屋都系天使。」

他们都认为「爱」非常重要，所以会时常表达出来，免得对方误会已遗忘「爱」。因此，他们都经常教育3兄弟姊妹甚么是「爱」。陈豪笑说：「我哋由朝到晚都I Love You㗎！（出门口一家要揽一揽？）点止揽啊！系一定要锡到嘴先收手。」问到是否以行动实践爱，因此诞下3个小朋友？陈豪笑说：「我唔识答，哈哈！其实谂又系爱，讲又系爱，做都系爱。我地透明度好高，亦唔会有七年之痒。」
此外，谈到夫妻挡搵真银，陈豪提到平日一同凑小朋友，现在一同工作都是一个很好的经验。提到女儿Camilla贪靓，陈茵媺说：「我都贪靓又锺意化妆，阿女出街会拣自己锺意嘅发型同衫。」陈豪说：「阿女都话大个想做妈咪，阿仔都又话大个想做我，咁呢个都好正常。」