伦永亮自言曾有42寸胸 陈洁灵：系咪肚腩咋？

伦永亮和陈洁灵为《健康快车音乐送光明慈善演唱会2019》献唱，伦永亮受访期间，透露体重由133磅增至139磅，现每周游泳两次希望减掉6磅。笑问达标会否像惠英红一样骚fit爆泳照？他笑道：「好容易啫，比两年时间我....都未必得，哈哈。不过我暂时唔会理会胸肌，因要先治疗腰背的骨刺，现每周要睇脊骨医生和物理治疗，加上慢步行做动运，已渐渐好转。其实我10几年前都有过42寸胸，但唔好玩，所以反扑归真。」此时，陈洁灵然浴袍look杀入，还笑指谢霆锋自言衣服7个星期没有洗，而身上的浴袍已7年没洗过，吓得伦永亮说：「我未试过跟著浴袍的女人影相呀！」继而二人未开唱先开战，笑爆全场！

当陈洁灵得知伦永亮自言曾有42寸胸肌，即取笑对方说：「系咪42寸肚腩呀？那段时间我应该同佢绝交咗！」伦永亮指个胸几大唔重要，最重要是身体健康，陈洁灵反问：「你同我讲吗？语言欺凌呀！我哋真系成日拗交，佢唔比我闹比边个闹喎，因为佢在台上都经常闹我。」

听到伦永亮指很怀缅二人合唱、很开心很有火花时，又问他：「点解要怀缅我？」伦永亮说：「睇佢头脑几发达呀！」陈洁灵又搞笑谓：「但身材简单呢！我哋系咪好绝配？哈哈！佢仲话我哋可以一齐搞栋笃笑，但我企上台佢一定无得笑，只可以栋笃企；所以人哋做栋笃笑，我哋做楝笃叫喇！」伦永亮即哈哈笑道：「你叫我唔叫，我叫唔出！」陈洁灵接口说：「不过真系要做，都会有啲压力，浴袍都出动咗，可能要反串扮男人做摔角手。」伦永亮趁机还击：「完全不切实际，咪呃鬼人！」陈洁灵再发笑功道：「我哋上台前都系咁『松郁朦』，要先轻松、郁动、朦胧吓！」接不上口的伦永亮没好气说：「我废事答佢，人到咗某个境界就会咁！」