赞男友低调又浪漫 黄智雯自爆恨掟花球

黄智雯出席花卉活动，除了跟现场观众中玩游戏，还场即场制作花球，十分熟手，她却谓从没试过做花球，但喜欢看插花。她说：「读书时期，记得拍拖第一次收花，因为唔舍得掉，我逐块逐块花瓣折落嚟，放入樽做乾花同书签。」

智雯表示现在喜欢收到较细束的鲜花，说：「收过一大盒花，都好Sweet嘅。（男友送？）嗯，今年情人节佢都有送花畀我，但我又唔会特别要求要收花。（男友好浪漫？）我觉得系㗎，佢唔会特别讲出声，会真系做咗之后再畀惊喜你，我几欣赏佢呢一面，低调得嚟又浪漫。」
智雯自言做过最浪漫的事，就是亲手造了一本画册，来记念他们拍拖1周年。

至于在活动上提及想掟花球，是否恨嫁？智雯笑说：「我净系想掟果下罗！我觉得好得意，因为我记得（胡）杏儿结婚，系我收到花球，系佢哋质畀我。但我觉得系开心事，系一个祝福，但未必收到花球嘅女士，就系下一个结婚。」可有计划结婚？她笑笑说：「未有计划，不过我都有幻想，婚礼会系一个花海度。」（摄影：骆震宁）