维港会：用Dog餐确认D餐被客轰「食狗粮呀？」 店员要改口称David餐

不少人对话时提到「B」、「D」，都会以「Boy」、「Dog」确认以免对方混淆。有快餐店店员亦以「Dog」餐，来确认食客点D餐，结果被对方大骂，「而家咩意思呀你？！系咪叫人哋食狗粮啊？」食客并向经理投诉，店员最终道歉解决事件，并指以后要将D餐改称为「David餐」，以免发生同类事件，但笑问「会唔会畀人话我叫人食人肉」。

该名在快餐店任兼职店员的网民早前在facebook专页「西客之道」投稿，指如遇到食客点D餐时，为避免混淆B、D餐，都会问清楚对方想点「Boy餐」还是「Dog餐」，并称「啲客都不嬲冇问题，直接答番我系要边个餐」。直至有一日，一名女食客点了D餐后，楼主向对方确认「请问系咪要个Dog餐？」时，对方突然责骂：「你好喇喎你！我留意咗你好耐㗎喇！次次人哋话要D餐你都系话要Dog餐！𠵱家咩意思呀你？系咪叫人哋食狗粮啊？你系咪好开心？」

楼主对女客人的反应大感惊讶，但仍立即向对方解释，「唔系呀小姐，其实我都系想确认番小姐叫嗰个系咩餐，因为D同B……」。但话还未说完，女食客再怒骂：「仲出声？仲驳嘴？你𠵱家叫人食狗餐啊！同我叫你经理出嚟！」

楼主指，经理当时听到争吵声后，已即时上前协助处理，楼主最终要向该女客人道歉，并指日后落单时只能以「David餐」或「热香饼餐」来确认是D餐，以免再惹误会。但楼主仍对事件感到无奈，直言「如果Dog餐系狗粮餐，咁我问个客系咪要David餐嘅话，会唔会俾人话我叫人食人肉」。

不少网民都留言直指女客人野蛮，「dog咪dog罗，冇嘢搵嘢嚟闹」、「极度自卑引致嘅无限自大……系病嚟㗎」；有网民则建议楼主，「用电讯字母啦，Alpha、Bravo、Charlie、Delta」'「识讲一定系讲『丁』餐罗」。另有人认为楼主不应道歉，形容他是「向恶势力低头」，「有个咁嘅经理，转工啦」。