澳门骚门票炒至$8000 陈慧琳望明年红馆开唱个个买到飞

陈慧琳（Kelly）昨晚（9日）在澳门开骚，希望作为明年于红馆举行25周年演唱会预演。Kelly说：「明年系入行25周年，希望成功入纸，可以同班fans庆祝吓！」
今次的澳门开唱门票不设公开发售，部份门票被炒至$8000，Kelly说：「我唔支持炒飞，不过听到好多fans话冇飞卖，希望2020年演唱会开多几场，个个都从正途经买到飞啦！」为令未能入场的fans都可以看到演唱会，Kelly在演唱会期间部分歌曲在Facebook和微博进行官方直播，说：「各地唔同fans都想睇，有啲喺澳洲，有啲系喺更远嘅地方，依家科技就最方便㗎啦！」在场观众都非常热情，Kelly不但跟台下握手，更挥手叫观众到台前。这样不怕危险吗？Kelly笑说：「我都几知道我啲fans系斯文地疯狂，识佢哋咁多年，我唔怕㗎，佢哋唔会好大力咁扯我，我都几大胆。系头先我戴住只超级大嘅戒指，佢哋一握落嚟，哗！我直头痛到呀！我想叫佢地细力啲但又唱紧歌喎！同埋我发现一路唱歌一路握手，个样好难好靓，但嗰个都影紧相，都唔知唱好定笑好，所以下次唱歌握手要拣首开心啲嘅歌！（红馆演唱会都会有握手环节吗？）睇下观众想唔想，如果想梗系好啦！」
至于演出服装方面，花费亦不少，4套服装花费6位数（以十万计）。Kelly特别喜欢跟观众握手时穿的伞裙，说：「嗰part系配合rock主题，我觉得rock唔一定要著裤出嚟，著条伞裙加boots，都可以好rock，而且舞台系咁转都唔会走光，效果好好！」