拒当演唱会嘉宾 黄子华为苏永康拍宣传片做埋凑仔公

苏永康将于6月在红馆开唱，黄子华为老友粉墨登场，自编自导自演拍摄演唱会宣传短片。今次咁出心出力，子华神笑住话：「因为佢（苏永康） 买咗间楼畀我，讲明我一直可以住，住到第日个仔大再畀返佢！讲真我哋真系好朋友，十几年前喺横店一齐开工拍戏，日对夜对，我到依家都仲记得有晚系中秋节，大好佳节得我同佢两个人孤单度过，两个人坐喺架黄包车上面赏月倾偈，嗰一刻我已经觉得我哋两个应该喺埋一齐㗎啦！但系我唔能够，所以……依家咪当咗佢个仔系我个仔罗！」
听住子华神乱噏无句真，坐旁边的苏康笑个不停，说：「其实系我今年要开演唱会，初一带埋阿仔同佢拜年嗰阵，大家倾开，我话我想拍条片放上社交网站宣传，咁子华就即刻两秒钟度咗条桥畀我，之后我话我唔识搞，佢就拍心口话帮我搞埋，真系好唔话得！非常之多谢佢。条片入面，佢系释演契爷角色，喺我演唱会期间一力承担凑仔服务。讲开又讲，呢个契爷真系唔话得，唔好话我个仔，连我都未见过咁大个富格林金币，佢就送畀阿仔上契，金币之外，重有成日送好多玩具。 阿仔就两岁，开始识得认人，佢唔系咁锺意男人，见到我班朋友都喊，但系契爷例外喎，佢好锺意同契爷玩。」假如子华神真的在演唱会期间代凑仔，他放心吗？苏康话：「放心，我惊我个仔玩谢个契爷多啲。」
至于会否当演唱会嘉宾？子华神就话：「我已经发咗誓唔会做任何人演唱会嘉宾㗎啦。我依家锺意拍嘢，我讲真。（如果第日契仔Jazz开演唱会呢？）等佢大个真系唱歌先讲啦！」