尖沙嘴倒毙保安疑遭欠债不还 弟妇：患情绪病偶尔大嗌

尖沙嘴一名大厦保安被发现倒毙在大厦天台厕所，警方重案组接手调查死亡原因。 

早上6时，漆咸道南27号海景大厦一名50岁男保安被发现昏迷在15楼天台厕所内，送院证实死亡。死者弟妇指，与死者比较少见面，小朋友放假才会带出去与死者见面、食饭，透露死者单身未婚，还有个胞妹，死者近年都除了上班都甚少外出。

弟妇指，死者日日都打电话给胞弟，昨晚10时左右死者有致电，「倾咗一阵...但自己无听到详情」，又指「成日打嚟都系问细路，两个小朋友点啊，一系无钱，要我老公入钱畀佢，有时入200蚊左右」。

她透露自己从事社福工作，自己也不太介意死者借钱，因「有时见到无嘢食...一啲柴米油盐都无，都奈佢唔何，叫佢去银行睇下有几钱又唔肯，始终有依个病，老爷奶奶走咗，都要要照顾佢」。她从丈夫得知，死者「好似有借咗钱畀人，我先生话帮佢追，佢又话唔肯」，又不肯透露借钱人身份及金额，但死者上班做兼职，相信「钱都唔多，我估一万几千」。

弟妇称，死者近年患有精神疾病及情绪病，「最主要都系嗌吓」，她10年前认识死者时，「可能去见工，公司唔请佢或者有啲説话畀佢听，可能返嚟会嗌啲闹佢嘅説话出嚟」。弟妇称，曾与死者同住几年，死者有定期覆诊食药，但看似不会自残或伤害他人，「应该无暴力倾向」。

弟妇坦言对事件感难过，称死者积极求职，「一路无嘢做都Keep住搵工，但唔成功，最后系我老爷（死者父亲）带入行，跟住就好啲喇，长工又做过，散工又返过」。她又指，死者对工作好紧张，但未听闻与同事争执。死者自幼患有情绪病，一直无工作，但10年前入行后，主要返夜班，较早前在工厂大厦值班。

警方在现场发现血迹及死者的眼镜，又根据升降机闭路电视录影片段，发现该名保安于凌晨1时10分左右进入升降机上楼后，再没有出现过。