维港会:疯狂嫲嫲带孙儿尿片 要求护士帮忙闻便便有无酸味
2019-02-12 10:37 
一名诊所护士日前于网上发文指，遇到一名疯狂嫲嫲，到诊所拿出爱孙前一晚的粪便尿片表示：「隔住条片都闻到啲屎酸味」，惟儿子及媳妇闻不到，她要求护士帮忙闻，并确认是否有酸味，护士以长期鼻敏感来拒绝阿嫲无理要求，但阿嫲竟要求试味，护士即回应：「唔好玩啦，我唔食屎㗎」，并称要隔日屎可能已变味才成功击退阿嫲。
facebook专页「诊所低能奇观」发文，指一名姨姨来到诊所登记处，询问诊所护士「姑娘，可唔可以借你个人嚟用吓呀？」管理员心知有异，坚决回应：「唔可以」，但阿姨指，「我唔使睇医生呀，我想借你嚟用吓咋嘛」，护士再答「你唔系睇医生嘅，我应该无咩可以帮到你」。
阿嫲立刻从手袋拿出一包尿片放上枱面，表示：「我梗系知你识先走嚟搵你啦，你帮我闻吓佢有冇酸呀」，并准备打开尿片之际，护士立即叫停，并询问这包内是否有粪便，阿姨竟回答「是我孙昨日屙，我噚日隔住条片都闻到啲屎酸啦，我个仔死都话冇喎，个新抱又系咁讲喎！咁噚日你哋好早收工我拎到落嚟，见你哋熄晒灯罗，咪留到而家罗，你闻吓呀」。
该护士回应：「唔驶闻㗎，如果小朋友有咩唔舒服，你哋直接带小朋友嚟睇医生就得㗎啦…你块片掉咗佢啦」，阿嫲重申不是要求诊，只是不顺气，再要求护士闻屎确认是否有酸味。护士声称「长期鼻敏感有鼻塞问题」而拒绝闻屎，阿嫲一脸茫然续问：「咁…你食唔食到味㗎？」。护士答：「唔好玩啦，我唔食屎㗎」，阿嫲解释说：「我冇要你食呀，试吓味咋嘛，闻唔到咪试吓酸唔酸罗」。
护士为击退阿嫲，表示隔晚屎会变味，称「要最新鲜出嗰吓先系最真嘅」，阿嫲望着尿片静心想想，再问「咁下次我系咪应该即刻试咗先呀？」。护士没有回应，阿嫲续问：「咁都有可能系，我个仔同新抱都有你嘅问题喎，佢哋都可能系鼻敏感喎，所以佢哋就闻唔到。试应该试到呀？」。护士不敢回应，阿嫲再说：「佢哋闻唔到酸，下次我叫佢哋试咗，佢哋就知道真系酸㗎啦，应该唔会再话系我问题啦！」最终她便开心离开诊所。
事件引起不少网民留言，笑指这位嫲嫲「好癫」、「痴线」、「系咪傻㗎？」。亦有网民留指，「人日俾笃屎你庆祝生日」、「好玩唔玩，玩屎」、「隔住个屏幕都闻到味」、「睇来不止生仔要考牌」。不过亦有部分网民表示事件很浮夸，不相信真有此事。
最新回应