维港会：猪年前抱孙 唐英年荣升爷爷

后日就系大年初一，送狗迎猪，不少人对猪的印象都是「蠢」、「懒」同「污糟」，西九管理局主席、前政务司司长唐英年，今日喺微博同各位市民拜年则大赞「猪是象徵聪明、活泼和福气的动物」，更祝愿大家新一年都可以好似猪仔咁充满福气同朝气勃勃。

对现年66岁嘅唐英年嚟讲，今年可以话系别具意义，除咗可以见到有西九「东大门」之称嘅西九戏曲中心开幕外，更正式荣升爷爷，今个农历新年可以首次带住孙仔去逗利事，可以话系双喜临门！而唐英年今日喺微博上亦都直言，有新生命嘅来临令到一家人都喜庆满堂，认真开心！

除咗分享自己嘅开心事外，他亦不忘宣傅西九文化区新开嘅戏曲中心，仲话希望戏曲中心正式开幕开台后，可以进一步推动香港的文化氛围，为年青人创造更多机会。佢喺文尾更祝愿香港无论民生丶经济及文化方面，面对顺境或逆境时都可以无惧挑战、稳步发展，展现香港人独有嘅精神！