张嘉儿撇低个女同老公旅行 囡囡爆喊心都噏埋

陀紧第二胎的前港姐张嘉儿，预产期系5月，将会生个猪BB ，原来佢趁仲未肚大如箩时，同老公撇低个女，去咗马尔代夫过二人世界。可是去到旅行最后一日忍唔住同囡囡视像对话，点知个女一见到妈咪即时爆喊，嘉儿话囡囡喊得咁凄凉，心都噏，睇见自己都想喊埋一份。

张嘉儿系社交网上载了多张喊相，真系好阴公猪！佢话，今次去马尔代夫旅行其实都安排咗好多节目俾个女。公公同大姨妈带咗佢去主题公园玩又带咗佢去四日三夜嘅野生动物园。不过最衰都系自己，去到最后一日忍唔住视像个女，结果佢一见自己个样，所有嘅情绪出晒嚟，扁嘴喊爆，两眼水汪汪，搞到佢即刻想返香港揽住佢。

不过嘉儿又赞囡囡，话虽然佢喊到咁，但系都觉得非常之正常。佢已经好叻，原先以为佢去旅行个女每晚扎醒都会喊扭计搵佢，但系家姐同佢讲话佢有问妈咪喺边，不过冇喊，所以觉得个女好抵赞，同埋抵锡。

又话今次能够可以咁开心去旅行真系要多谢我家姐同埋爸爸。佢哋每日update个女消息，等佢唔使担心，亦都冇内疚感揼低个女。