MIRROR搞百日宴收费$888 等抽祝贺语粉丝质疑公平性

本地男团MIRROR为成军100日，于脸书专页公布将举行首个官方粉丝聚会，于2月10年初六办「MIRROR百日宴」，费用每位$888，名额只限288位，参加者必须年满18岁，除填写参加表格，还要用创意跟团队讲祝贺说话，然后他们会邀请最有创意的288位参加。虽然收费贵过演唱会，但他们声明有得同大家倾偈，玩小游戏、影相、食嘢之外，亦会预备惊喜演出，最后仲有纪念品给大家拎返归。
至于网民留言都嫌$888太贵，「机会是留返畀有钱的人」、「一看费用，我以为去参加他们婚宴」、「菜单呢？$888俾咩我食？系咪佢哋坐落黎一齐食先」、「 演唱会都是$780…呢个系咪超贴身近距离观看佢哋吃饭？」、「天团咁嘅价！其实都系想见一面啫，使唔使搞咁多嘢」；亦有觉得年龄限制好大问题，「18岁以下，真系门栏高咗啲，建立MIRROR，都系想年轻人知道香港有自己的偶像，反而将青少年拒于门外，我朋友同佢囡囡都去听MIRROR演唱会，但小妹妹只有14岁，佢应该好失望」，不过最大问题系要「抽」创意，有粉丝踢爆「唔好到时又抽到同一班MV又出现过、CSL广告MV又出现过、MIRROR GO现场观众又出现过果班fans吖」、「希望公平啲抽签，唔好再系靠关系内部选人」。