维港会：北区医院三文治馅料缩水 仅边位有馅

医院嘅嘢食以健康为重，一向唔太受市民欢迎，不过未至于唔好食。但有网民于Facebook群组「上水人大联盟」贴出一张馅料缩水嘅吞拿鱼三文治相片，仲笑言话「想减肥可以去北区医院买包食」。就相片可见，个三文治只有周边涂有吞拿鱼馅料，中间可以话系「空心」。

楼主仲话佢自己睇见个三文治「都望咗个包一阵」，有网民话「好细心，围边搽吞拿鱼」，亦有网民话「佢都系为你健康著想」、「低卡……用心良苦」，楼主打趣咁就覆话「我唔要健康。我想要翻啲呑拿鱼」。