张继聪一家总动员出巡 囝囝Chok爆阿女卖萌

张继聪与谢安琪（Kay）这一家从来无吝啬将日常生活照放上网，今日阿聪又在Instagram上载全家总动员出巡大合照，与大家分享，真系型到一个点，型到喷汁！

原来谢安琪忙完颁奖礼后，寻日同老公及一对仔女总动员出街，去左睇画家小克的画展，仲晒出全家合照，不过焦点全落晒系阿仔张瞻及阿女度。张瞻不经不觉已长高到妈咪膊头，仲梳住个喷泉头，单手叉腰，Chok到爆！而阿妹张靖（Karina）就卖萌，两只手笃住脸仔扮可爱。

另一张仲厉害，喷泉头既张瞻交叉脚，两脚屈膝叉晒腰嘟埋嘴眯眼，真系无得输。

粉丝大赞：「妹妹真系妹得意，仲得意过架上面啲公仔」、「全家型到一个点👏依家连妹妹都识摆post」，「哥哥好有型啊！」，结果15 小时，就有5万7千几个赞。