20年友情不变 陈小春教郑伊健演唱会劏房制

郑伊健和陈小春友谊超过20年，不是常见面但常在心。早前他们在《古惑仔》电影系列导演刘伟强的办公室，接受电台《叱咤乐坛》节目访问，伊健和小春坦言第一次见面就看对方不顺眼，小春说：「拍第一集《古惑仔》埋位先至识佢，每次大家围埋度啲嘢，佢就繑晒手好多嘢谂，有冇咁多偶像包袱？惊咩呢？」伊健说：「其实拍完6集我哋都仲未熟……嗰阵时佢哋『风火海』3个，我得自己1个，净系识林晓峰。」小春即插嘴：「其实我同林晓峰嗰阵已拍过戏，熟过你！」伊健续说：「系罗，4对1，仲有一睇你就知唔系善男信女咁，梗系惊啦！」
好朋友亦有吵架时，伊健和小春不约而同最难忘2007年拍剧，为了一场对打戏吵得面红耳赤，当晚互当透明不揪不睬，但第二朝互讲「早晨」就化解了。伊健说：「大家都系为件事好，只系观点唔同，拍打交戏最易扯火，但唔会伤感情。」小春承认这次让他更了解伊健。
对于伊健红馆演唱会，创意爆灯的小春建议伊健将演唱会「劏房制」，说：「你1场演唱会两个半小时，每半小时为1份，即系分成5份。你唱1份，然后判4份出去，请郭富城唱1份，黎明又唱1份…」，伊健哭笑不得，说：「小春就系咁㗎啦，成日好多谂头，我哋跟佢指示去做。」问小春得到其中1份演出时间点用？他边数手指边说：「你畀半小时我都得呀，我依家做紧演唱会㗎嘛，攞少少出嚟就唔使再彩排，又或者再劏几份判出去。」问小春劏上劏之后的一小部份会唱伊健问哪首歌？他想也不用想就拣了《Beautiful Day》，说：「每次听佢唱呢首歌都好有正能量、充满希望、好开心！」