地盘工搭的士踩污糟地毡 司机轰：系你嘅行为令人歧视工人

地盘工人出入工地后难免沾有泥沙，有的士司机在网上发帖呻道，接载地盘工人后，被对方踩污糟地毡，斥「系你嘅行为令到人哋歧视工人」，并认为的士司机职责不包括「帮乘客执手尾」。帖文掀起热议，有网民批评楼主心胸狭窄，「咁你落雨唔好做生意」；另有人慨叹：「几时香港变成咁，畀钱嘅就大X晒，收钱嘅就要做奴隶！」

有网民昨在facebook群组「的士司机资讯网 Taxi」上载照片，可见的士的后座地毡沾满泥沙鞋印，并留言指「唔系因为你系工人所以歧视你， 而系你嘅行为令到人哋歧视工人！」楼主说，自己亦驾驶工程车多年，「 以前工友就算唔冲凉都会换套衫换返对鞋收工，搭巴士好搭地铁好，都唔会影响到其他人，几时香港变到咁样都觉得冇所谓？原因好简单因为唔系发生喺你身上。」

不少网民在帖文留言，都批评的士司机斤斤计较，小事化大，「人哋又想着住对污糟鞋周街行咩」、「地盘出出入入使唔使换套西装先呀？」、「咁你落雨唔好做生意」、「搭的士要提起双脚」、「其实你系咪想人哋帮你抹埋车啊？」另有人借楼主留言反讽，「唔系因为你系的士司机所以歧视你， 而系你嘅行为令到人哋歧视的士司机！」

但有网民表示，「如果我对脚咁污糟，我唔会周围行罗」、「而家啲价值观咁特别，整污糟咗人哋地方，唔系应该讲唔好意思，而系讲咁怕污糟唔好做」，另有人认为，如果地盘工人有讲句不好意思，司机亦未必那么愤怒；有的士司机行家亦留言指「所以我见到地盘佬，我会扮见唔到。」

帖文惹起争议，楼主亦留言补充，地盘工落车后，过两个车位便有妇人截车， 「一上车已经鬼晒咁嘈话部车污糟邋遢， 你叫我点样做？ 赶返（对方）落车走去清洁咗先？ 定系等过咗黄金时间先去处理？ 又抑或等到收工之后先再洗车？」

他慨叹，「唔知由几时开始， 消费者就好似皇帝一样， 收钱嗰个就卑躬屈膝」，并认为的士属于运输业，职责是安全快捷以最短路程接载乘客到目的地，「不包括取悦乘客及帮乘客执手尾」， 而车门贴上运输署定明的收费告示， 亦「都冇写司机要笑面迎人烚熟狗头取悦乘客」，深信「你有礼貌时我自然以礼相待， 请司机自重切勿自贬身价， 乘客唔好以为自己洗钱就大X晒」。