无谂照顾小朋友　Sammi大爱望多做义工

郑秀文（Sammi）出席「分享愿望的喜乐2018」开幕礼时透露，以前希望开设立社企聘请智障人士，但从朋友得知原来经营社企并非易事，自己不是这方面人才，希望将来过著做义工的生活。
她说：「未必一定要退休做义工，不过依家工作要时间配合，我谂唔到有乜比呢个更想做。我唔生仔，唔凑仔，其实世界上好多人需要爱、关心同需要帮助。（叫埋老公一起参与？）会！人生有好多不同的事想做，不一定只为自己或家人，世界上好多需要帮忙。」她坦言不时会做义工，因为工作上会接触，亦可当作整顿人生。
谈到有报导指张卫健与太太张茜到南非旅行「造人」，她说：「系咩？佢造人咩？我觉得每个人价值观不同，我比较喜欢接触人同世界，倾向大爱、博爱，无话特别想照顾小朋友，想生仔几乎零。上帝无畀呢个心意我，可能有其他心意，服务呢个世界几好呀！」
提到圣诞节临近，她表示暂时未有计划，但不敢乱吃东西，因为早前不小心吃未煮的东风螺。她说：「吃完内心好不安，虽然行得企得，但有睇医生睇下身上有无寄生虫，原来医生话每个人多少都有寄生虫。（服用花塔饼杜虫？）医生话唔得架！咁甜无乜用，食啲清身体天然的杜虫药，但唔严重，唔知它「懒」去边？周身「懒」好惊，食咗药制止咗它。」