拒答是否早知卓林结婚 吴绮莉：其实唔系一件坏事

吴绮莉在19岁女儿吴卓林于网上公布与女友Andi结婚后，她更新社交平台Po与友人午膳及独自望海背影照，饭后独自开车回家。约下午3时半，吴绮莉面对在其寓所外守候的记者，全程保持笑容。
被问到心情？吴绮莉说：「开工呀听日。（囡囡结婚知唔知？）讲做嘢得唔得呀！（囡囡结婚点睇？）冇乜点睇。（返嚟呢几日有冇见？）有，前日见过。（祝福佢哋？）每个人都希望每个人好嘅，点解唔祝福人呢？（之前已知？）唔讲啦，听日开工。（有传囡囡财困所以返港？）唔答啦，唔该晒，听日开工。（点睇同性婚姻？）我好多朋友都系，冇乜点睇。（同佢哋食餐饭庆祝？）等我开完工得闲先。（即系接受咗？）冇乜嘢接唔接受不嬲都，每样嘢都顺其自然。」
问到卓林返港是交代结婚还是其他原因？吴绮莉说：「唔讲啦，真系唔该晒。」至于卓林留港发展定会返加拿大？吴绮莉就话：「大个女啦，我觉得大家有大家工作，我依家希望专注返多啲喺自己做嘢方面。（同佢关系改善？）朋友，都话佢永远系我最好朋友，畀多啲时间我做自己嘅嘢，其实都唔系一件坏事。（想同佢哋一齐住吗？）所有嘢都系顺其自然，依家大人嚟㗎，希望喺我生活入面搵返自己多啲嘢嘢。」虽然她坦言见过Andi，但问到对其印象？吴绮莉谓：「都话唔讲啦！（佢哋结婚你都知？）都话咗乜唔讲。」吴绮莉谓要讲的已讲，不想吓亲邻居，怕被要求搬走，现只讲她想做的事，如开画展、出画册及多次提及的明日开刻，希望多些人找她工作。再被追问她们结婚是否知情？她笑说：「都话唔讲。（讲嚟听吓？）唔锺意讲喔。（佢有冇同爸爸交代？）都话咗乜都唔讲，依家只Sell吴绮莉。」（摄影：朱伟彦）