张敬轩化身「降两度」 孖Donald擘髀滑沙

张敬轩同DJ Donald（唐剑康）早前去了澳洲悉尼拍摄「天才游童2018悉尼篇」，短片陆续出街，他们玩了滑浪再玩滑沙。去到滑沙的沙漠，二人化身老牌荷李活演员奇连伊士活，以电影《独行传决斗地狱门》的西部牛仔Look示人。轩仔话扮嘢冇难度，忍笑才是最大考验，「唔知点解一见到Donald个样我就想笑，依家讲起佢都想。拍嘅时候我都唔记得NG咗几多次，最后我谂到一个方法，就系唔讲对白嘅时候，我就咬住自己条脷，为咗顺利完成拍摄，我真系咬得好大力，差啲变咗咬舌自尽，谂谂吓，咁样死咗好唔抵。」

到达地点准备滑沙之际，轩仔变身成「女歌手」降两度，讲起滑到落地面足足有4、5层楼高，令「降两度」一出场就话：「张敬轩呢个无胆匪类，已经返咗广州。」之后擘髀坐上「滑板」，差点走光。「降两度」全程大嗌好正，见到风光如画，仲话想在此拍辑裸照。