男友教打牌即食「呖咕呖咕」 江嘉敏：佢啲运气用嚟识我

江嘉敏被传媒影到与著名电竞公司高层Anthony Cheng拍拖，她大方承认恋情，更透露跟男友于朋友聚会认识，亦欣赏对方有耐性。她说：「一齐打麻雀，我又唔识坐埋一边睇佢哋打，佢几有耐性不厌其烦答我点打。佢话我一坐佢隔离就第一次食『呖咕呖咕』，佢啲运气用晒嚟识我，但佢外国返嚟，唔知我做艺人。大家刚刚开始拍拖，未咁快见家人。」谈到11月4日就24岁生日，男友可会到台湾送上惊喜？她笑言抱有希望，但男友为人不太浪漫，可是若直接跟对方讲就觉无意思。

被问到两人是否在西贡同居？江嘉敏否认其事，又解释自己租住西贡单位是为方便返公司，但太早或太夜去工作时，男友会驾车接送，这方面对男友会加分。