许志安与聋人雨中共舞 拍手语版《流泪行胜利道》MV

许志安跟听障街舞导师Jason学习跳手语版歌曲《流泪行胜利道》，与一班同样热爱跳舞的聋人一起拍摄手语MV。拍摄当晚在各种因素影响下要不断转换拍摄场地，最终只能在一条暗黑兼烂地的后巷开机，拍摄第一个镜头便下雨。安仔说：「拍完呢个MV感觉好兴奋、好感动，尤其系突然间落起大雨，好有feel，观众一定以为我哋好落本，book架水车搞人造雨，其实唔系，同埋刚才原本去球场拍，后来转地方又俾人赶，直到嚟到呢条后巷，虽然周围环境唔系太理想，但我哋真心嘅演绎，我相信大家会睇得到。」安仔希望这个手语版MV可以燃起大家永不言弃的精神，像跳舞导师Jason，用眼去睇拍子，一样可以学到跳舞。

安仔感言：「今日用个口讲嘅嘢好少，但内心感受特别大，另外仲学咗好多手语，除咗《流泪行胜利道》嘅歌词，仲有自我介绍、打招呼、赞人靓仔靓女，其实共融就系咁，无论你身份系边个、身体有咩状况，大家都可以和平共处，无分你我。」