麦雅致4岁囡囡爆喊怕妈妈死：我都眼眶泛泪

麦雅致与老公张頴康育有一对仔女，4岁大女小豆非常可爱，精灵趣致。今日麦雅致分享送囡囡返学时的对话，小豆问：「乜嘢会变老，乜嘢唔会？」好奇车上挂著的公仔会否变老？小豆又突然之间问：「妈妈你会唔会老？ 会唔会死㗎？ 」

麦雅致答：「会㗎...妈妈都会老，妈妈都会死」，并留言：「咁佢（小豆）就话死咗系咪会飞上去个moon嗰度？（因为之前我嫲嫲离开就话畀佢知太嫲去咗月亮度（佢间中抬头望到月亮，都会觉得太嫲睇紧佢...）之后大家静咗...我回头望佢嘅时候，我已经见佢流紧眼泪...佢细细声讲：妈妈我唔想你老唔想你死...」对话感人，麦雅致都自言眼眶泛泪 ，及承诺努力做运动，好好照顾家人，又叫小豆少令妈妈激气，乖巧的小豆也回答：「好啦咁我做个乖孩子，唔激你喇妈妈」。

不少网民见到麦雅致在社交平台甫出的小豆爆喊相，都表示感动及称赞小豆乖女，留言：「生女真系窝心」、「看到这段文字眼眶都湿啦」、「小豆好善良好可爱，傻猪」。