维港会：猫咪咬烂500元纸币 猫主发文引热论

喵星人有时可以好「百厌」！昨日有猫主在社交网站上载图片，图中可见一张被咬烂的500蚊纸，相信是猫所爲，猫主在贴文中感慨「真识食呀囡」。图片随即引起网民热论。

猫主‎Savannah Li‎ 在facebook群组「天下猫猫一样猫群组」发文，指「真识食呀囡，嬲到今晚唔想煮鸡肉佢食」。从猫主所发图中可见，一张500蚊纸被咬去一部分。猫主事后更新贴文表示，「相信呢度会有各位大意嘅主子，听日update大家换银纸成唔成功」。

不少网民表示可以去银行换张新纸币，但亦有人表示「有啲难」。有网民留言分享类似经验，「换到，我问过银行，只要number齐就得，我以前换过几次，俾只狗咬碎啲500蚊几次都换到」亦有网民笑称「一个真正嘅猫奴系唔会嬲嘅，因为你会觉得自己放得唔好，系自己唔啱！搞到主子犯错，我下次会醒目啲架啦！主子！」、「好有良心，留番咁多俾你」。