【趣趣哋】百厌猫猫高难度玩单杠 网民：师傅整冷气

有养猫嘅朋友都清楚「主子」钟意爬高爬低，屋企无嘢可以阻挡猫猫无穷嘅精力。有网民就系Facebook群组「天下猫猫一样猫」上载主子一张「练武」照，见到「小白」一只脚勾住冷气机外壳，双手攀附住墙壁一条索带。网民写有：「玩单杠，边个够我劲？」， 网民仲话猫猫系「过度活跃的」。

照片随即引爆笑弹，唔少人都赞「小白」难得一身好本领，「佢的轻功好劲厉害厉害」，「原来系体操女将。失敬失敬」。更有人话「小白」够百厌可以去做特务猫。有人仲话系台风「山竹」过后「整冷气」。

猫主人之后上载一张1个月前嘅相，见到「小白」个阵仲好细个，边会想到会咁精力旺盛。

图片：网民Kate Mak