帮老婆影结婚6周年靓相 杜德伟法国买衫仔贺AJ两岁生日

杜德伟（Alex）日前获邀到法国参与巴黎时装周外，还为外地时尚杂志拍摄封面故事；短短两天游走了巴黎多个景点摄影，并与有份拍摄的黄圣依一同晚饭。这两天Alex除了成为镜头中的主角，镜头后眼见美景当前，更变成老婆的专属摄影师，笑言：「啲景咁靓点可以唔影，啲相靓到当作系结婚6周年纪念相！」
男生常被女生批评摄影技巧，不过此行Alex谓：「靓人加靓景，又点会唔靓！老婆都应该满意，佢不嬲对我嘅技术都有信心，咁我都觉得啲相系靓！因为去到拍摄嘅地方实在太靓，其中一个拍摄嘅古堡，真系望到都开心，要大啖吸多几口好清爽既空气！」
明日（2日）是囝囝AJ两岁的生日，Alex坦言想在巴黎挑选生日礼物，说：「我觉得唔一定要买好贵好靓嘅名牌畀佢，最紧要合适，啱用就得！平日都锺意帮佢衬衫，今次都会想买件衫仔畀做生日礼物，或者佢依家未必明白呢份心意，希望佢大个会感受到。」
回港后除为囝囝庆生，Alex亦要忙跟杨千嬅即场开骚作准备，说：「回到香港就要排练，10月3号就系show day，但近日忙其他工作未有时间衬衫，所以我在巴黎最后一日任务就系为个show搵衫，不过就算搵唔到唔担心，因为屋企都有好多服装可以衬到。」