【慈善基金会卷入纠纷】黄夏蕙肖像遭盗用：唔出声唔代表我唔知

黄夏蕙前年成立「夏蕙慈善基金」，筹募经费帮助长者，目标是在中山兴建老人院照顾独居老人。不过基金卷入金钱纠纷，令夏蕙姨嬲爆，今日凌晨3时更在社交平台发文，回应传闻称：「我唔出声，唔代表我唔知！」

夏蕙姨表示近日其Facebook专页受到骚扰，有人不断甫出她的名、照片，想惹起她的注意。她留言：「我只可以同你讲，『曾经受了教训，得了历史的指引！』21年前的我，因为我强出头，帮姊妹争公道，引来香港人嘅笑话，21年后今日嘅我，只会用：【唔属于自己嘅事，一定唔会理！只会一笑置自知！】嘅态度处理。

由于郭家健先生早前已经主动宣布同我脱离上契关系，所以我唔方便再同郭先生接触，噚晚已经托人打畀佢，叫佢唔好再用我嘅肖像做任何活动同商业宣传。其实我已经80几岁，有啲乜嘢神奇嘢未见过呀！

叫得我做契妈，为人必须向善，团结一致，可以闹人 ( 因为我都经常闹人 )，不过千万唔可以害人，可以成为契仔契女就系一种缘份。我要每一个契仔契女行出嚟都可以昂然阔步，脚踏大地；面向人群。成为人中龙凤。

我只可以好肯定讲一句，冇任何人同任何事，能够阻止我做慈善嘅心，因为老人家无依无靠系好惨嘅事，所以我已经铁了心，善用【夏蕙慈善基金】为老人家做好多好多善事嚟帮佢哋安享晚年。完」。