撑冯盈盈「公厕论」 工藤佑采：佢只系覆述事实

今届的落选港姐工藤佑采因被淘汰后还要伴舞，「黑面」做布景板引起讨论，之后被师姐黄心颖批评她的做人态度，在网上引发一场骂战。工藤「敢言」作风停不了，她又在instagram（ig）上评论早前冯盈盈「港姐公厕论」被庄思明批评用字cheap事件，力撑冯盈盈，认为只是覆述事实，同cheap无关。

前港姐冠军冯盈盈早前在无綫节目《#后生仔倾吓偈》中大胆讲出：「我哋（港姐）嫁有钱人就会俾人话，睇死佢啦，想吊金龟啦，系鸡系公厕」，之后被2010年的港姐季军庄思明批评她影响港姐形象和用字太Cheap。

工藤今日凌晨才在ig留言力撑冯盈盈：「其实冯盈盈都只系讲有部分人对于港姐如果嫁有钱人会被人批评 （睇死佢钓金龟）、（系鸡）、（公厕）等等难听说话！佢都只系覆述事实 ，又不是发表个人睇法！可能言语上身为一个港姐系有点大胆，但系同cheap好似点都拉唔上关系！ cheap嘅定义唔系应该系无啦啦又冇得罪你，又冇话你，但是你自己又话人哋在先咩？之前拍后生仔倾吓计有见过冯盈盈，其实我觉得都几靓几可爱，系讲嘢有点太大胆，同埋太真实，会令有部分想发梦嫁人接受唔到！哈哈，好彩我比赛之前同男朋友分咗手，如果唔系可能都会比（俾）部份人话我（睇死佢钓金龟）、（系鸡）、（公厕）！支持FYY做自己、唔带（戴）假面具做人！」

有网民就留言，支持工藤的说法和冯盈盈，又指「都系人嚟，讲依啲都正常嘅，咁就要俾人话，依个世界系要咁假去做人」、「保持真我，继续努力，加油！」