山竹搞到屋企爆窗 黄翠如挂住瞓赞男友落力执屋

黄翠如为食肆活动担任嘉宾，穿上露肩连身裙亮相，提到超强台风「山竹」袭港，翠如透露屋企损毁严重，表示家门前大树被吹断，半棵树倒压在窗前，随后被砖头打爆窗户，屋内即时变得一片狼藉。她笑说：「谂返起都好傻，我哋仲用手Hold住块玻璃，如果爆就大件事。」她更作出惊人决定，称：「爆玻璃隔离就系厨房，心谂如果无嘢食就大件事。我入厨房攞包方包出嚟，踎低喺个角落头度。」

同历天灾，是否可见男友萧正楠的真性情？翠如直言：「我真系好感谢佢！我揸住包方包瞓著咗，瞓醒嘅时候，见到佢扫紧嘢、执紧嘢。之后就爆住窗咁打边炉，时间啱啱好。」提及中秋节有另一台风袭港，问她爆窗是否已处理？翠如谓：「用块布遮住。（会唔会有人爬到入嚟？）无谂过喎！屋企无贵重嘢，全屋得一包公仔面。啲人成日话要储三日两夜粮，一阵嗌外卖送返屋企先。」