【夫妻果山竹好意头】卓韵芝甜蜜拖实新郎 Sammi笑阿Sa狂接花球

2018-09-15 20:25

台风「山竹」来袭，卓韵芝跟丈夫梁子贤如期于中环外国记者会举行婚宴，郑秀文（Sammi）、梁咏琪（GiGi）与蔡卓妍（阿Sa）组成「星级姊妹团」，导演许鞍华、郭启华、田蕊妮、蔡一智与徐天佑等纷纷到贺。

为著上靓靓婚纱而勤力健身的卓韵芝，穿贴身鱼尾白婚纱示人，骚香肩及力谷事业线，十指紧扣新郎现身合照。新娘卓韵芝接受访问时笑说：「真系打风都打唔甩，一直都有留言关于风暴消息，上网搜寻山竹系夫妻果，感觉好切合结婚。」问到可有考虑过宾客安全？她说：「系啊！啲长辈食完嘢就会走先，做完访问就会即刻同佢哋影相，等佢哋走先。」

姊妹团在婚宴前接受访问，她们同样穿上浅粉红色姊妺裙。问到早上的接新娘环节？ GiGi说：「无呀！可能佢唔舍得玩新郎啦！」阿Sa则表示是日最重要靓，无谓玩人时又玩到自己。Sammi笑道：「好替卓韵芝开心，佢件婚纱咁靓，无谓玩烂佢件婚纱啦！我哋主要任务系伴住佢影相，见证佢一阵间嘅签纸仪式，负责摆甫士。」

问到酒量如何，可会帮手顶酒？阿Sa笑谓：「我都顶得几杯嘅！」Sammi称：「我个样好似饮得，其实普通咋，饮少少啦！睇吓咩酒，好饮就饮多两杯。」至于可有传授夫妻相处之道给卓韵芝，GiGi说：「婚前派对阿芝都有问我哋嘅，都有分享吓。今日好睇得出阿芝嗰份快乐同喜悦，今日系最神采飞扬嘅一日。」送上甚么贺礼？Sammi跟阿Sa都笑笑口表示不便透露，GiGi则表示代阿芝捐钱做慈善，令新娘认为此举很有意义。至于可会催阿芝生B？ Sammi直言：「佢想生就生，唔生就唔生啦！」

此外，阿Sa又自爆今早才问卓韵芝做姊妹是否需要做人情？她谓：「入到房我先开Speaker听，几尴尬呀！不过真心戥佢好开心，会补番礼物畀佢，因为我同阿芝都系识于微时。」问到阿Sa会否落力抢花球？Sammi帮口：「哗！佢年中接咗几个喎！」阿Sa回答：「唉！我临出门口都有问助手，究竟我仲有咩朋友未结婚，之后谂到得番容祖儿一个，差佢一个就搞掂晒。」Sammi又取笑阿Sa：「你接埋接埋咁多可以做乾花球喎！」阿Sa说：「咁我今日避一避先喇！」