导演涉诈骗走佬演员努力宣传 张继聪爆Kay睇首映喊湿纸巾

张继聪、卫诗雅、谈善言等为电影《告别之前》谢票，阿聪表示影片口碑不俗，他们会努力宣传及谢票，希望可争取更多院线及场次。他说：「我哋尽咗演员嘅责任，太太（谢安琪，Kay）都有睇首映，都睇到喊湿晒纸巾。朋友之间系用喊湿一样嘢嚟做量器，暂时最劲系喊到成张披肩湿晒。」卫诗雅亦谓首映当日半个家族到场支持，妈妈更大爆爸爸都睇到喊。谈善言得到妈妈于家人讯息群组中发言支持，为此非常感动。

至于该片编剧兼导演刘孝伟涉诈骗走佬，致未能到场可感遗憾？阿聪笑说：「我谂我哋唔系最遗憾嗰啲，有朋友会更加遗憾。演员就做返演员嘅责任，大家不如多啲关心啲喺度嘅人啦。」问到他们是否收足片酬？他们均表示已收足。阿聪说：「认真讲，事件已经牵涉到警方，我哋唔可以讲太多。但系今次呢套戏大家都好畀心机，台前幕后嘅功劳系唔可以扼杀，希望多啲人支持去睇。」（摄影：李树勋）