两姊弟似龙凤胎 锺嘉欣拣家中分娩：好难忘嘅经历

锺嘉欣诞下第2胎，今日开心宣布囝囝出世了，改名为Jared Anthony Leung，重7磅14安士。她称囝囝是健康的大只B，与大女Kelly刚出世的样子十足饼印，今次更选择在家中自然分娩，感觉难忘。

锺嘉欣分享诞B感受：「佢好多好多头发、好似家姐Kelly，全家都讲笑话好似生咗龙凤胎，Jared同Kelly真系好似样。今次生BB顺利，不过好痛好痛好痛，最特别系今次选择喺屋企生，因为加拿大系好支持自然分娩，我好感恩好幸运搵到一班好好嘅助产士，佢哋好专业畀咗好好嘅情绪支持，又教我用方法令生BB过程更加顺便、安全。听自己嘅身体去生BB，我觉得呢种感觉系好empowering，所以选择呢个方法生BB喇，系好难忘嘅经历。依家我要坐月、照顾阿仔、家姐Kelly，因为突然之间多咗个BB，要摆多啲时间喺Kelly身上。好希望快啲介绍阿仔畀大家识，好希望快啲见到大家，多谢所有朋友祝福。」